دھرنا تاحال جاری،سعد رضوی کی رہائی تک دھرنا دیا جائے گا

قصور
پرسوں سے قصور لاہور روڈ مین گول چکر تاحال بند ،لبیک کارکنان کا سعد رضوی کی رہائی تک دھرنا ختم نا کرنے کا فیصلہ،دھرنا شرکاء کے لئے کھانے پینے کا مکمل انتظام

تفصیلات کے مطابق پرسوں تحریک لبیک پاکستان کے سربراہ سعد حسین رضوی کی گرفتاری کے بعد سے لبیک کارکنان نے لاہور قصور روڈ نزد نیا لاری اڈاہ گول چکر بند کر رکھا ہے جس سے ہر قسم کی طرف بند ہے تاہم چھوٹی گاڑیاں ذیلی چھوٹے راستوں سے گزر رہی ہیں جبکہ کنٹینر وغیرہ پرسوں سے ہی قصور بائی پاس پر رکے ہیں جن میں سے بیشتر پر کھانے پینے کی اشیاء لوڈ ہیں
دھرنے کے شرکاء و انتظامیہ کا کہنا ہے کہ سعد رضوی کی رہائی تک دھرنا ختم نہیں کیا جائے گا جبکہ دھرنا شرکاء کے کھانے پینے کا مکمل انتظام کیا گیا ہے اور دھرنے کی سیکیورٹی لبیک کارکنان کر رہے ہیں