fbpx

ڈیرہ اسماعیل خان میں انسداد پولیو ٹیم پر حملے میں پولیس اہلکار زخمی

خیبر پختونخوا کے ضلع ڈیرہ اسماعیل خان میں انسداد پولیو ٹیم پرنامعلوم ملزمان کی جانب سے فائرنگ کی گئی-

باغی ٹی وی :پولیس کے مطابق ڈی آئی خان میں انسداد پولیو مہم کے دوران کئے گئے حملے میں پولیو ٹیم کو سیکیورٹی فراہم کرنے والا پولیس اہلکار گولی لگنے سے زخمی ہو گیا۔

ملزمان کی فائرنگ سے زخمی ہونے والے اہلکار کو قریبی اسپتال منتقل کر دیا گیا جبکہ ملزمان فرار ہونے میں کامیاب ہو گئے جن کی تلاش کے لیے پولیس نے علاقے کی ناکہ بندی کر دی۔

واضح رہے کہ گزشتہ ہفتے بھی خیبر پختونخوا کے شہر پشاور میں بھی پولیو ٹیم پر حملے میں ایک پولیس اہلکار شہید ہو گیا تھا پولیس کا کہنا تھا کہ پشاور کے علاقے داؤد زئی میں نامعلوم ملزمان کی جانب سے پولیو ٹیم پر فائرنگ کی گئی نامعلوم موٹرسائیکل سوار ملزمان کی فائرنگ سے پولیس اہلکار شہید ہو گیا۔

دن دیہاڑے واردات،موٹر سائیکل چھین کر گولی مار دی

دوسری جانب دن دیہاڑے واردات میں ملزمان نے شہری کو گولی مار دی، کل دوپہر ایک بجے ڈاکو قصور بائی پاس نزد بھٹی ہسپتال پر شہری نوید سے سی جی ون ٹو فائیو موٹر سائیکل ،قمیتی موبائل فون و نقدی 5 ہزار روپیہ چھین کر لے گئے اور مزاحمت کرنے پر نوید کو کاربین کا فائر مارا جو کہ اس کی دائیں ٹانگ میں لگا جس سے نوید شدید زخمی ہو گیا جس کا علاج ہسپتال میں جاری ہے-