ورلڈ ہیڈر ایڈ

پاکستان میں‌ ذیابطس بڑی تیزی سے پھیل رہا ہے،آگاہی بہت ضروری ہے، ماہرین طب

لاہور:پاکستان میں‌ ذیابطس بڑی تیزی سے پھیل رہا ہے،آگاہی بہت ضروری ہے، ماہرین طب نے خطرے سے آگاہ کردیا ،اطلاعات کے مطابق آج لاہورمیں ذیابطس کے مرض کے حوالے سے آگاہی مہم جاری ہے ، دوسری طرف پاکستانی طبی ماہرین نے آنے والے وقتوں میں اس موذی بیماری کے خطرات سے آگاہ کرتے ہوئے خبردار کیا ہےکہ اس بیماری سے جان چھڑانے کے لیے سب کو مل کرکوششیں‌کرناہوں‌گی

ذرائع کےمطابق آج یونیورسٹی آف ہیلتھ سائنسز میں پاکستان سوسائٹی آف انٹرنل میڈیسن کے ارکان کی پریس بریفنگ کے دوران ملک میں ذیابطس کی بیماری کے حوالے سے اہم گفتگو ہوئی ، اس پریس بریفنگ میں بتایا گیا کہ اس وقت ملک کی کل آبادی کا 20 فیصد سے زائد افراد ذیابطس کے مرض کا شکار ہیں،پروفیسر ڈاکٹرجاوید اکرم نے بتایا کہ 14 نومبر کو صوبائی اسمبلی کے سامنے میڈیکل کیمپ لگانے جارہے ہیں

پاکستان میں اس بیماری کی شدت کے حوالے سے بتایا گیا کہ آئندہ آنے والے برسوں میں ذیابیطس کے مریضوں کی تعداد دگنی ہو جائے گی، پروفیسر طارق وسیم نے بتایا کہ ذیابطس سے آگاہی کیلئے 14 نومبر سے 17 نومبر تک صوبائی اسمبلی کی عمارت کو نیلے رنگ کی لائیٹوں سے مزین کیا جائے گا، صوبائی اسمبلی میں اس حوالے سے قرارداد پیش کی جائے گی

سینئر نائب صدر پی آئی ایس ایم نے اس موقع پر بتایا کہ اسمبلی کے جاری سیشن کو ذیابطس سے آگاہی مہم سے موسوم کیا جائے گا، پروفیسر جاوید اکرم نے اس پریس بریفنگ میں بتایا کہ 10 ہزار سے زائد افراد کی سکریننگ کا پروگرام ہے،

وی سی یو ایچ ایس کی طرف سے بتایا کہ کہ سپیکر پنجاب اسمبلی چودھری پرویز الہی میڈیکل کیمپ کا افتتاح کریں گے، یہ بھی بتایا گیا کہ پریس بریفنگ میں پی ایس آئی ایم کی موبائل ایپ بھی لانچ کی گئی ، ذیابطس کے حوالے سے اس پریس بریفنگ میں پروفیسر آفتاب محسن، پروفیسر ساجد عبید اللہ، ڈاکٹر ثومیہ اقتدار کی شرکت

جواب چھوڑیں

آپ کا ای میل ایڈریس شائع نہیں کیا جائے گا.