fbpx

پاکستان کے مستقبل کے لیے ڈیجیٹل اکانومی کلیدی اہمیت رکھتی ہے:احسن اقبال

اسلام آباد:پاکستان مسلم لیگ ن کے رہنما اور وفاقی وزیر منصوبہ بندی احسن اقبال نے کہا ہے کہ پاکستان کے مستقبل کے لیے ڈیجیٹل اکانومی کلیدی اہمیت رکھتی ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں وفاقی وزیر منصوبہ بندی احسن اقبال نے کہا کہ IT کی منسٹری اور انڈسٹری کے نمائندوں کیساتھ ‘ڈیجیٹل پاکستان’ پر سیر حاصل میٹنگ ہوئی، پاکستان کے مستقبل کے لئے ڈیجیٹل اکانومی کلیدی اہمیت رکھتی ہے۔

 

جاری کردہ ٹوئٹ میں احسن اقبال لکھتے ہیں کہ گزشتہ دور حکومت میں 3G اور 4G کے لائسنس جاری کئے گئے، 1 ملین سے زائد نوجوانوں کو لیپ ٹاپ دئیے گئے اور جامعات میں انکیوبیشن سینٹر بنائے گئے۔

انہوں نے کہا کہ 2017 میں ڈیجیٹل پاکستان پالیسی لانچ ہوئی، آرٹیفیشل انٹیلیجنس، سائبیرسیکورٹی،اور بگ ڈیٹا کے سینٹر آف ایکسیلنس قائم کئے۔

احسن اقبال نے لکھا کہ اسی سفر کو جاری رکھنے کے لئے انڈسٹری کے نمائندوں سے تعلیمی نصاب میں بہتری، اسٹارٹ اپ کلچر کا فروغ، انڈسٹری کی مشکلات دور کرنے کے لئے اقدامات پہ مفید بات چیت ہوئی۔