کراچی:ڈی آئی جی ٹریفک ہیلمٹ سے آگہی مہم پرخود میدان میں آگئے

کراچی:پنجاب کے بعد اب سندھ میں بھی ہیلمٹ پہننے کے حوالے سے سخت اقدامات کیے جارہے ہیں. اس سلسلے میں سندھ پولیس نے آغاز کردیا ہے. ویسے تو پہلے بھی ہیلمٹ کی پابندی لازمی تھی لیکن بڑھتے ہوئے حادثات کی وجہ سے اس پر سختی سے عمل درآمد کا فیصلہ کیا گیا ہے اس سلسلے میں آج وقت 1200 بجے ڈی آئی جی پی (DIGP )ٹریفک کراچی جناب جاوید علی مہر نے اسکاؤٹس آڈیٹوریم میں تمام ایس ایس پیزاورڈی ایس پیز، سیکشن افسران و ریکارڈ کیپران کویکم جولائی 2019 سے ہیلمٹ کی خصوصی مہم کے سلسلے میں بریفنگ دی اور اس خصوصی مہم کی کامیابی کے سلسلے میں اہم احکامات جاری کیے۔ شہر بھر میں اہم مقامات پر بینر آویزاں کیے گئے ، پمفلٹ تقسیم کیے جارہے ہیں اور اسی مناسبت سے عوام میں شعور و آگاہی پیدا کی جائے کہ ہیلمٹ کا استعمال انکی جان کی حفاظت کا ضامن ہے ۔

ڈی آئی جی پی(DIGP) ٹریفک کراچی جناب جاوید علی مہر نے ہیلمٹ کی خصوصی مہمکے سلسلے میں دفتر DIGP ٹریفک میں شارع فصل اور دیگر اہم شاہراہوں پر تعینا ت اسٹاف ، چالاننگ افسران و دیگر اسٹاف کو تفیلی بریفنگ دی اور مہم کی کامیابی کے سلسلے میں اہم احکامات جاری کیے۔ڈی آئی جی پولیس نے اس عزم کا اظہارکیا ہے کہ اس آگاہی مہم سے صوبے میں ہیلمنٹ کے استعمال میں اضافہ ہوگا اور حادثات کی صورت میں کم جانی نقصان کا سامنا کرنا پڑے گا

جواب چھوڑیں

آپ کا ای میل ایڈریس شائع نہیں کیا جائے گا.