ڈیرہ اسماعیل خان،دھماکے میں 5 افراد کی موت

0
144
tank

ڈی آئی خان: ڈیرہ اسماعیل خان میں ٹانک اڈا کے قریب زور دار دھماکا ہوا ہے

دھماکے کے بعد نامعلوم افراد کی جانب سے فائرنگ بھی کی گئی،ذرائع کے مطابق دھماکا پولیس کی نفری لے جانے والی گاڑی کے قریب ہوا،دھماکے و فائرنگ سے متعدد افراد کے زخمی ہونے کی اطلاع ہے، پولیس کی بھاری نفری موقع پر پہنچ گئی، جائے وقوعہ کو گھیرے میں لے لیا گیا،

ابتدائی اطلاعات کے مطابق 5 سول افراد جاں بحق اور 22 سے زائد پولیس اور سول افراد زخمی ہوئے،ٹانک اڈہ پر ایلیٹ فورس کی نفری لے جانے والی گاڑی کو نامعلوم افراد کی طرف سے نشانہ بنایا گیا۔پولیس موبائل پر ہونے والے دھماکے کے نتیجے میں 5 افراد جاں بحق ہو گئے ہیں،زخمیوں کو اسپتال منتقل کیا گیا تو نامعلوم افراد کی جانب سے اسپتال میں پولیس پر فائرنگ بھی کی گئی،پولیس نے علاقے کو گھیرے میں لیکر سرچ آپریشن شروع کر دیا ہے۔زخمیوں میں ریڑھی پر موجود سامان لینے والا شخص معرزق سلیمان خیل ‘ عبدالحمید‘ اسحاق‘ قدرت اللہ‘ ناصر‘ یاسمین‘ شیرین اور قمر زمان و دیگر شامل ہیں

واضح رہے کہ پولیس لائنز ڈیرہ اسماعیل خان سے ایلیٹ فورس کی نفری ٹکواڑہ چیک پوسٹ کے لیے جا رہی تھی کہ ٹانک اڈہ کے قریب پولیس وین کو دھماکے کا نشانہ بنایا گیا ،

ٹانک دھماکہ، شہباز شریف،بلاول، راجہ پرویز اشرف نے کی مذمت
اسپیکر قومی اسمبلی راجہ پرویز اشرف نے ڈیرہ اسماعیل خان ٹانک اڈے میں ہونے والے دھماکے کی مذمت کی ہے، اسپیکر قومی اسمبلی نے دھماکے کے نتیجے میں ہونے والے جانی نقصان پر گہرے دکھ اور افسوس کا اظہار کیا اور کہا کہ اسلام انتہاء پسندی اور ہر قسم کی دھشت گردی کی پرزور ممانعت کرتا ہے،دہشت گردی کی بزدلانہ کارروائیوں میں ملوث عناصر انسانیت و ملک کے دشمن ہیں،دہشت گردی میں ملوث عناصر کسی رعایت کے مستحق نہیں،

سابق وزیراعظم اور پاکستان مسلم لیگ (ن) کے صدر شہباز شریف نے ڈیرہ اسماعیل خان میں پولیس پٹرول کے قریب دھماکے کی شدید مذمت کی، شہباز شریف نے جاں بحق ہونے والے افراد کے اہل خانہ سے اظہار ہمدردی کیا، شہباز شریف نے زخمیوں سے بھی ہمدردی کا اظہار کیا اور کہا کہ پاکستان دہشت گردی کے مکمل خاتمے کا ہدف حاصل کرکے رہے گا،قوم سکیورٹی فورسز کی قربانیوں اور کاوشوں کو خراج تحسین پیش کرتی ہے ،شہباز شریف نے جاں بحق افراد کے درجات کی بلندی اور اہل خانہ کے لئے صبر جمیل کی دعاکی،شہباز شریف نے زخمیوں کی جلد صحت یابی کی بھی دعاکی.

پی پی پی چیئرمین بلاول بھٹو زرداری نےڈیرہ اسماعیل خان میں دہشگرد دھماکے کی مذمت کی ہے، بلاول بھٹو زرداری نے واقعے میں شہریوں کی شہادت پر اظہارِ افسوس، متاثرہ خاندانوں سے یکجہتی کا اظہار کرتے ہوئے کہا کہ نہتے شہریوں کو نشانہ بنانا بزدلی ہے، واقعے میں ملوث دہشتگردوں کو منطقی انجام تک پہنچایاجائے،واقعے میں زخمی ہونے والوں کے بھتر علاج معالجے کو یقینی بنایا جائے،انتہا پسندی اور دہشتگردی سے نمٹنے کا آسان راستہ نیشنل ایکشن پلان پر من و عن عملدرآمد ہے

Leave a reply