fbpx

دلیپ کمار کے حوالے سے گوہر رشید کی خیبرپختونخوا حکومت سے عاجزانہ اپیل

پاکستانی اداکار گوہر رشید کی خیبرپختونخوا حکومت سے پشاور میں مرحوم دلیپ کمار کی رہائش گاہ کو بحال کرنے کی عاجزانہ اپیل-

باغی ٹی وی : بالی ووڈ کے لیجنڈری اداکار دلیپ کمار کو پاکستان کی جانب سے خراجِ عقیدت پیش کرنے کے حوالے سے اداکار گوہر رشید نے خیبرپختونخوا حکومت کو مشورہ دے دیا۔


انہوں نے سوشل میڈیا ویب سائٹ ٹوئٹر پراپنے پیغام میں کہا کہ خیبر پختونخوا حکومت سے میری عاجزانہ اپیل ہے کہ وہ پشاور میں مرحوم دلیپ کمار کی رہائش گاہ کو بحال کریں حکومت ایسا کر کے لیجنڈ اداکار کو پاکستان کی طرف سے خاص خراج عقیدت پیش کرسکتی ہے۔

گوہر رشید نے لکھا کہ پاکستان میں اداکار کو بہت پسند کیا جاتا تھا۔


ایک اور ٹوئٹ میں گوہر رشید نے لکھا کہ ’ایک عہد کا نام ایک حقیقی لیجنڈ دلیپ کمار ہے، آپ جیسا نہ کوئی ، نہ ہے اور نہ کوئی ہوسکتا ہے۔ اداکار نے مرحوم دلیپ کمار کے لئے مغفعرت اور اگلے جہاں کے سفر میں آسانی کی دعا کی-

واضح رہے کہ بالی ووڈ فلم نگری کے لیجنڈری اداکار یوسف خان المعروف دلیپ کمار گزشتہ روز 98 سال کی عُمر میں انتقال کر گئے تھے-

پاکستانی سیاسی شوبز اور معروف شخصیات کا دلیپ کمار کے انتقال پر شدید غم کا اظہار