دلی خواہش ہے کہ اپنی زندگی میں بلاول کو وزیر اعظم بناوں،آصف زرداری

پیپلزپارٹی کے شریک چیئرمین اور سابق صدر مملکت آصف علی زرداری نے کہا ہے کہ میری دلی خواہش ہے کہ اپنی زندگی میں ہی بلاول بھٹوکو ملک کا وزیر اعظم بناوں.

سابق صدر مملکت آصف علی زرداری کی جانب سے نواب شاہ میں بلدیاتی منتخب نمائندوں کے اعزاز میں اعشائیہ دیا گیا ، اس موقع پر گفتگو کرتے ہوئے آسف زرداری کا کہنا تھا کہ میں اب لاہور میں بیٹھ کر پارٹی کو دیکھوں گا.

سابق صدر آصف زرداری نے کہا کہ اب مجھے پنجاب میں پیپلز پارٹی کو ٹھیک کرنا ہے،جب سے بلاول وزیر خارجہ بنا ہے دوستوں کے فون آئے ہیں کہ بلاول اچھی منسٹری چلا رہا ہے ،میری دلی خواہش ہے کہ اپنی زندگی میں ہی بلاول بھٹوکو ملک کا وزیر اعظم بناوں

آصف زرداری نے کہا کہ ہم قبر میں بھی اترتے ہیں تو ہمارے کفن پر پیپلزپارٹی کا جھنڈا ہوتا ہے، ایک دن کا قصہ نہیں ہے ہمارا مذہب ہی پیپلز پارٹی ہے، میرا آج بھی اسلام آباد سے جھگڑا ہے وہ کہتے ہیں تم نے کمزور کیا، میں کہتا ہوں مضبوط کیا ،آانہون نے کہا کہ 18ویں ترمیم صوبوں کو مضبوط کرتی ہے.

سابق صدر آصف زرداری کا کہنا تھا کہ پاورز کے بدلے میں نے 18ویں ترمیم لے لی تھی،اپنے دور صدارت میں تمام پاورز وزیر اعظم کو منتقل کردئیے تھے،چند ہفتے سندھ کے دیگر علاقوں میں دوروں کے بعد میں پنجاب جارہا ہوں.

صدر پی پی پی پی آصف علی زرداری کی جانب سے تحصیل دوڑ اور سٹی نواب شاہ میں بلدیاتی انتخابات کے پہلے مرحلے میں کامیاب ہونے والے عوامی نمائندگان کے اعزاز میں عشائیہ دیا گیا.پاکستان پیپلزپارٹی پارلیمنٹرینز کے صدر آصف علی زرداری نے بلدیاتی انتخابات میں پی پی پی امیدواروں کو منتخب کرنے پر عوام کا شکریہ ادا کیا، سابق صدرِ مملکت آصف علی زرداری نے بلدیاتی انتخابات میں تیر کے نشان پر کامیاب ہونے والے امیدواروں کو شاباشی بھی دی

صدر زرداری نے ہدایت کی پاکستان پیپلزپارٹی کے عوامی نمائندے سندھ کے عوام کی خدمت میں اپنی پوری توانائیاں صرف کردیں، عشائیے میں چوہدری طارق، ضیا الحسن لنجار، علی اکبر جمالی، علی حسن زرداری، سید سردار علی شاہ، علی مدد جتک، سلیم رضا جلبانی، غلام قادر چانڈیو ودیگر نے شرکت کی.