دلیپ کمار کی نماز جنازہ اور تدفین کب کی جائے گی؟

0
32
دلیپ کمار کی نماز جنازہ اور تدفین کب کی جائے گی؟ #Baaghi

بالی ووڈ کے لیجنڈری اداکار یوسف خان المعروف دلیپ کمار کی تدفین کا اعلان کردیا گیا۔

باغی ٹی وی :بھارتی میڈیا رپورٹس کے مطابق 98 سال کی عُمر میں انتقال کرجانے والے دلیپ کمار کی میت ممبئی کے اسپتال سے اُن کے گھر منتقل کی جارہی ہے اس کے علاوہ دلیپ کمار کے تصدیق شدہ ٹوئٹر اکاؤنٹ پر اُن کی تدفین کے بارے میں بھی اہم اطلاع دی گئی ہے۔

ترجمان دلیپ کمار کی جانب سے ٹوئٹر پر جاری کیے گئے پیغام میں بتایا گیا کہ دلیپ کمارکی تدفین آج شام 5 بجے ممبئی کے علاقہ سینٹاکروز کے جوہو قبرستان میں کی جائےگی۔

واضح رہے کہ بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے۔دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی ہے۔

Leave a reply