fbpx

پولیس افسران کے اعزاز میں عشائیہ

شیخوپورہ (محمد فہیم شاکر سے )ڈسٹرکٹ پو لیس آفیسر شیخوپورہ چوہدری احسن سیف اللہ کی جانب سے ایس پی انویسٹی گیشن آصف امین اعوان،ڈی ایس پی محمد ریاض صفدر آباد سرکل اور ڈی ایس پی سی آئی اے فتح احمد کے تبادلہ کے موقع پر فئیر ویل پارٹی کا اہتمام کیاگیا ۔جس میں ڈی پی او شیخوپورہ،کے علاوہ تمام ڈی ایس پیز اور ایس ایچ اوز ضلع ہذا سمیت دیگرپولیس افسران و ملازمان نے شرکت کی۔
اس موقع پر تمام پولیس افسران اورملازمان کی جانب سے ایس پی انویسٹی گیشن آصف امین اعوان،ڈی ایس پی محمد ریاض اور ڈی ایس پی سی آئی اے فتح احمد کو ضلع شیخوپورہ میں بہترین اور نہایت احسن طریقے سے اپنی خدمات سرانجام دینے پر خراج تحسین پیش کیا۔ اوران پولیس افیسرز کوڈی پی او شیخوپورہ احسن سیف اللہ کی جانب سے یادگار شیلڈ زپیش کی گئیں اس موقع پر پولیس افسران وملازمان نے میڈیا سے گفتگو کرتے ہوئے بتلایا کہ ایس پی انویسٹی گیشن آصف امین اعوان، ڈی ایس پی محمد ریاض اور ڈی ایس پی سی آئی اے فتح محمد کی ضلع شیخوپورہ میں دی جانیوالی محکمانہ خدمات کو ہمیشہ یاد رکھا جائے گا۔ یہ نہایت ایماندار اور فرض شناس پولیس آفیسرزہیں۔اس موقع پر تمام پولیس افسران و ملازمان نے ان سے محبت کااظہار کرتے ہوئے ان کودعاؤں او ر نیک تمناؤں کے ساتھ رخصت کیا۔