اسلام آباد: عورت مارچ اور یوم خواتین ریلی کے شرکا میں تنازع، عورت مارچ شرکاء نے دیکھتے ہی غلیظ نعرے اورپتھراو شروع کردیا

0
95

اسلام آباد: اسلام آباد: عورت مارچ اور یوم خواتین ریلی کے شرکا میں لڑائی ،عورت مارچ میں شریک شرکاء نے دیکھتے ہی غلیظ نعرے اورپتھراو شروع کردیا ،اطلاعات کےمطابق عالمی یوم نسواں کے موقع پر اسلام آباد میں منعقدہ مختلف ریلیوں کے شرکا کے درمیان تنازع کی اطلاعات سامنے آئی ہیں۔

باغی ٹی وی ذرائع کے مطابق اسلام آباد میں یہ تنازع اس وقت شروع ہوا جب عورت مارچ کے شرکا نے یوم خواتین ریلی کو دیکھنے ہی بہت غلیظ قسم کے نعرے لگانے شروع کردیئے ، اس کے بعد یوم خواتین ریلی کی طرف سے نعروں کی آوازیں آنے لگیں ،

باغی ٹی وی ذرائع کےمطابق اس دوران عورت مارچ میں شریک منچلوں نے جو کہ پہلے ہی بہت جزباتی دکھائی دے رہے تھے ، ساتھ پڑے سڑک پر پتھروں سے یوم خواتین ریلی کے شرکاپرپتھراو کرنے لگے ،تاہم سیکیورٹی پر موجود پولیس اہلکاروں نے حالات کو کنٹرول میں لاتے ہوئے دونوں ریلیوں کو مختلف راستوں پر منتقل کردیا۔

خیال رہے کہ متعدد ریلیوں کے انعقاد کی وجہ سے پولیس نے دونوں علیحدہ علیحدہ ریلیوں کے درمیان رکاوٹیں لگا رکھی تھیں۔رپورٹ کے مطابق اس واقعہ کے بعد یوم خواتین ریلی میں موجود افراد نے رکاوٹیں عبور کرنے کی کوشش کی اور عورت مارچ کے شرکا پر وہی پتھر پھینکنے جوپہلے عورت مارچ والوں‌کیطرف سے پھینکے گئے تھے۔

خیال رہے کہ آج (8 مارچ) کو خواتین کے عالمی دن کے موقع پر ملک بھر میں خواتین کے حقوق اور ان کے تحفظ کے لیے مختلف قسم کی ریلی اور تقریبات کا انعقاد کیا گیا تھا۔

اس حوالے سے وفاقی دارالحکومت اسلام آباد میں سول سوسائٹی اور خواتین کے حقوق کے لیے کام کرنے والی تنظیموں نے عورت مارچ کا انعقاد کیا تھا، ان کے علاوہ جماعت اسلامی، منہاج القرآن اور جامعہ حفصہ سمیت دیگر مذہبی تنظیموں کی جانب سے علیحدہ علیحدہ مارچ اور ریلیوں کا انعقاد کیا گیا۔

Leave a reply