منڈی بہاؤالدین ،باغی ٹی وی (محمد افنان طالب نامہ نگار )وزیراعلیٰ بلوچستان سرفراز بگٹی کی جانب سے سانحہ نوشکی بلوچستان میں جاں بحق ہونے والے نوجوانوں کے لواحقین میں 60لاکھ روپے کے امدادی چیکس تقسیم کر دئیے گئے۔
ڈپٹی کمشنر منڈی بہاوالدین شاہد عمران مارتھ ، ڈپٹی کمشنر نوشکی، بلوچستان حبیب اللہ موسیٰ خیل اور ڈی پی او رضا صفدر کاظمی نے نوشکی بلوچستان میں دہشت گردی کا نشانہ بننے والے منڈی بہاوالدین کے موضع چک فتح شاہ سے تعلق رکھنے والے 6 شہداءکے لواحقین میں 10لاکھ روپے فی کس مالی امداد کے چیکس تقسیم کئے
اس موقع پر ایڈیشنل ڈپٹی کمشنر ریونیو ذوالفقار احمد، ڈی ایس پی عامر عباس شیرازی، ضلعی افسران،پولیس اور علاقہ معززین کی بڑی تعداد بھی موجود تھے۔
جاں بحق نوجوانوں کے درجات بلندی کیلئے دعا کی اور کہا کہ حکومت پنجاب اور بلوچستان متاثرہ خاندانوں کے غم میں برابر کی شریک ہیں ،یقینا جوان اولاد کا دکھ انتہائی تکلیف دہ ہے، ہماری دعائیں سوگوار خاندانوں کے ساتھ ہیں۔
ان کا کہنا تھا کہ اس واقعہ کے 4 مجرم گرفتار ہو چکے ہیں اور باقی مجرم بھی جلد گرفتار کر کے انہیں سخت سے سخت سزا دلوائی جائے گی۔
