ڈسٹرکٹ سپورٹس آفیسر میڈم رابعہ رشی نے ضلع چنیوٹ سنوکر ایسوسی ایشن کے انتخابات میں کامیاب ہونے والے عہدیداران کا اعلان کردیا ہے

چنیوٹ میں نوجوانوں کو کھیلوں کی سرگرمیوں کے حوالے سے اقدامات کرکے معاشرتی برائیوں سے بچانے کے لیے بھرپور جدوجہد کی جارہی ہے۔

تفصیلات:(شان رسول باغی ٹی وی)

سنوکر ایسوسی ایشن کے انتخابات میں کامیاب ہونے والے عہدیداران کا اعلان کردیا گیا ، ڈسٹرکٹ سپورٹس آفیسر میڈم رابعہ کی جانب سے نو منتخب عہدیداران کو مبارکباد۔

ڈسٹرکٹ سپورٹس آفیسر میڈم رابعہ رشی نے ضلع چنیوٹ سنوکر ایسوسی ایشن کے انتخابات میں کامیاب ہونے والے عہدیداران کا اعلان کردیا ہے۔

جس میں صدر محمد ندیم ، جنرل سیکرٹری محمد رحیم ، نائب صدر محمد افضل ، فنانس سیکرٹری محمد رضوان ، سیکرٹری اطلاعات حسان نوید منتخب ہوئے ہیں۔

ڈسٹرکٹ سپورٹس آفیسر نے اعلان کے موقع پر میڈیا سے گفتگو کرتے ہوئے کہا کہ نوجوانوں کو کھیلوں کی سرگرمیوں کے حوالے سے اقدامات کیے جارہے ہیں تاکہ نوجوانوں کو معاشرتی برائیوں سے محفوظ رکھنے کے ساتھ ساتھ ان کی اعلیٰ انداز سے ذہنی نشوونما کو ممکن بنانے میں مدد مل سکے۔

انہوں نے کہا کہ نشہ ، جوا اور دیگر جرائم کی روک تھام کیلئے سپورٹس سرگرمیوں اور کھیلوں کے میدانوں کو آباد کرنا وقت کی اہم ترین ضرورت ہے تاکہ ہم ایک بہترین معاشرے کی تشکیل اور روشن مستقبل کی تکمیل میں حصہ ڈال سکیں۔

انہوں نے نو منتخب عہدیداران کو مبارکباد پیش کرتے ہوئے نیک خواہشات کا اظہار کیا ہے۔