منشیات کیس: اداکارہ دیا مرزا بھی این سی بی کے نشانے پر
آنجہانی اداکار سوشانت سنگھ راجپوت خودکشی سے متعلق منشیات کیس میں ڈرگز کے معاملے کی تحقیقات میں اب دیا مرزا کو بھی سوالات و جوابات کے لیے طلب کئے جانے کا امکان ہے۔
باغی ٹی وی : بھارتی اداکارہ کنگنا رناوت کے منشیات سے متعلق لگائے گئے الزامات اور سُوشانت سنگھ کی گرل فرینڈ ریا چکروتی کی جانب سے بھارتی تحقیقاتی اداروں کو منشیات سے متعلق دیئے گئے بیانات کے بعد سے بھارتی فلم انڈسٹری کے بڑے نام مشکل کا شکار ہیں ہر آنے والے دن میں تحقیقات کے لیے متعد فنکاروں کو سمن جاری کیے جا رہے ہیں۔
ان ہی الزامات میں نیا نام بھارتی اداکارہ دیا مرزا کا سامنے آیا ہے جن پر منشیات کے استعمال کرنے کا الزام لگایا جا رہا ہے
بھارتی میڈیا رپورٹ کے مطابق اب مس ایشیا پیسیفک دیا مرزا بھی نارکوٹکس کنٹرول بیورو (این سی بی) کے نشانے پر آگئی ہیں۔
دیا مرزا کو بہت جلد سوشانت سنگھ راجپوت خودکشی کیس میں منشیات سے متعلق کیس میں طلب کیا جاسکتا ہے۔
میڈیا رپورٹس کے مطابق این سی بی میں دورانِ تفتیش منشیات فروشوں انکوش اور انوج کیشوانی کے انکشافات کے بعد دیا مرزا کا نام سامنے آیا ہےدیا مرزا کی منیجر منشیات فروش انوج کی دوست ہے جو دیا مرزا کو ڈرگز دیا کرتی تھی۔
رپورٹس میں یہ بات سامنے آئی ہے کہ تحقیقاتی ادارے نے دیا مرزا پر 2019 میں ڈرگز خریدنے کی تفصیلات پر ہاتھ رکھے ہیں کیونکہ اداکارہ کی منیجر نے ڈرگز کے معاملے پر ہی منشیات فروش سے ملاقاتیں کی تھیں۔
امکان ظاہر کیا جارہا ہے کہ پہلے دیا مرزا کی منیجر اور پھر ان کے بعد اداکارہ کو سوالات کے لیے طلب کیا جائے گا۔
دوسری جانب این ڈی ٹی وی نے اپنی رپورٹ میں بتایا کہ بھارتی اداکارہ دیا مرزا نے سوشل میڈیا کا سہارا لیتے ہوئے خود پر منشایت استعمال سے متعلق لگنے والے الزامات کی تردید کردی –
دیا مرزا نے اپنے اوپر لگنے والے الزامات پر حیرانی کا اظہار کرتے ہوئے مائیکرو بلاگنگ وئیب سائٹ ٹوئٹر پر کچھ پیغامات شیئر کیے ہیں جن میں انہوں نے منشیات استعمال کرنے کی تر دید کی ہے۔
دیا مرزا کا اپنے ٹوئٹس میں کہنا ہے کہ وہ منشیات استعمال کرنے کی خبر کی سختی اور واضح طور پر تردید کرنا چاہتی ہیں یہ ایک جھوٹی اور بے بنیاد خبر ہے۔
1) I would like to strongly refute and categorically deny this news as being false, baseless and with mala fide intentions. – Continued
— Dia Mirza (@deespeak) September 22, 2020
انہو ں نے مزید ٹوئٹ کرتے ہوئے بھارتی میڈیا کو مخاطب کرتے ہوئے کہا ہے کہ اس طرح کی غیر قانونی رپورٹنگ کا براہ راست اُن کی ساخت پر اثر پڑتا ہے ایسی رپورٹنگ سے اُن کے کیریئر کو نقصان پہنچ رہا ہے جو کہ انہوں نے برسوں محنت کر کے بنایا ہے۔
2) Such frivolous reporting has a direct impact on my reputation being besmirched and is causing damage to my career which I have painstakingly built with years of hard work. – Continued
— Dia Mirza (@deespeak) September 22, 2020
اُن کا ایک اور ٹوئٹ میں کہنا تھا کہ انہوں نے زندگی میں کبھی کسی بھی قسم کا نشہ آور یا غیر قانونی مواد نہ ہی خریدا اور ہی کھایا ہے وہ ہندوستان کے قانون کی پاسداری کرنے والی شہری ہونے کے ناطے اپنے اوپر لگنے والے سب ہی جھوٹے الزامات پر قانونی چارہ جوئی کرنا چاہتی ہیں۔
3) I have never procured or consumed any narcotic or contraband substances of any form in my life. I intend to pursue the full extent of legal remedies available to me as a law abiding citizen of India. Thanks to my supporters for standing by me.
Dia Mirza
— Dia Mirza (@deespeak) September 22, 2020
دیا مرزا نے اپنے ٹوئٹ میں مداحوں کی جانب سے ملنے والی سپورٹ کا بھی شکریہ ادا کیا ہے۔
دوسری جانب اداکارہ نے انستاگرام پر بھی نوٹ شئیر کیا جس میں اداکارہ نے خود پر منشایت استعمال سے متعلق لگنے والے الزامات کی تردید کردی –
https://www.instagram.com/p/CFcH1mXjHr0/?utm_source=ig_embed