تین سال بعد دوبارہ آئی ایم ایف کے پاس جانا پڑا تو ڈوب مرنے کا مقام ہے،وزیراعظم

بلوچستان کے طلبا کو آئی ٹی تربیت کیلئے چین بھجوائیں گے، وزیراعظم
0
173
pm quetta

وزیراعظم شہباز شریف نے کوئٹہ میں بلوچستان کابینہ کے اجلاس سے خطاب کرتے ہوئے کہا ہے کہ وفاق بلوچستان سےمل کرصوبے کے 28 ہزارٹیوب ویلز کو سولر پر منتقل کرے گا ۔

وزیراعظم شہباز شریف کا کہنا تھا کہ ہر سال70 سے 80 ارب روپے بجلی کے بلز کی مد میں ادا کئے جارہے ہیں، بلوچستان ترقی کی دوڑ میں پیچھے ہیں جس کی کی وجوہات ہیں، اگر500 ارب کی سبسڈی کا پیسہ بلوچستان کی ترقی خوشحالی پر لگا ہوتا تو یہاں ترقی ہوتی،بلوچستان کے27 ہزار ٹیوب ویلوں پر پورا دن بجلی آنی چاہئے، بلوچستان سے 1 ہزار افراد زرعی ٹریننگ کے لیے چین بھجوائیں گے، بلوچستان کے نوجوان اعلی تعلیم یافتہ ہوں گے تو ترقی میں اہم کردارادا کریں گے، چین میں آئی ٹی کی تربیت میں بھی بلوچستان کے طلبا کے لیے 10 فی صد اضافی کوٹہ ہے،وزیراعلیٰ بلوچستان سرفراز بگٹی اچھے ایڈمنسٹریٹر ہیں، اگر انہوں نے 3 ماہ میں کام کرلیا تو انکی عوامی پذیرائی کروائیں گے، وفاق نے بلوچستان میں دانش اسکولوں کے لیے بجٹ میں فنڈز رکھے ہیں،بلوچستان میں فاصلے بہت ہیں اس کے لیے وسائل چاہئیں، جو بلوچستان اور پاکستان کی خیرخواہی چاہتا ہے تو ہم اس کو گلے لگائیں گے، ہم نے عام آدمی کو ریلیف دینا ہے، وفاق، بلوچستان کی ترقی اور خوشحالی کے لیے آپ کے ساتھ ہے، اگر بلوچستان اور کے پی میں سرمایہ کاری لانی ہے تو سکیورٹی ہماری سب سے پہلی ضرورت ہے، ہم دہشت گردی کے ناسور کو مل کر ختم کریں گے۔

وزیراعظم شہباز شریف کا مزید کہنا تھا کہ آئی ایم ایف کے پاس جانا مجبوری تھی، قرضوں نے ہماری نسلوں کو بھی گروی رکھ دیا ہے، قرضوں سے جان چھڑانے کے لیے وفاق، صوبے اور متعلقہ ادارے کام کریں گے تو آنے والی نسلیں دعائیں دیں گے، اگر تین سال بعد دوبارہ آئی ایم ایف کے پاس جانا پڑا تو ہمارے لیے ڈوب مرنے کا مقام ہے،ہم سب مل کر چیزوں کو بہتر کریں گے، ہم نے اسی ماہ آئی ایم ایف کا پروگرام مکمل کرنا ہے، تلخ فیصلہ نہ کیے تو دوبارہ آئی ایم ایف کے پاس جانا پڑے گا

وزیراعظم شہباز شریف کا مزید کہنا تھا کہ بلوچستان کی محرومیوں کو دور کرکے اسکی ترقی میں اپنا کردار ادا کرنا ہم سب کی زمہ داری ہے۔بلوچستان کیلئے وفاقی حکومت نے دانش سکولوں کے قیام کے لیے حالیہ بجٹ میں فنڈز مختص کر دیئے ہیں۔ ہماری کوشش ہے کہ دانش سکولوں کو صوبے کی ڈویژنل سطح تک وسعت دی جائے تاکہ اس سے پورے صوبے کے طلباء مستفید ہوں۔امید ہے کہ گورنر بلوچستان شیخ جعفر خان مندوخیل، وزیرِاعلیٰ بلوچستان میر سرفراز بگٹی کی سربراہی میں پوری صوبائی کابینہ صوبے کی ترقی اور خوشحالی میں مزید کردار ادا کرینگے

بلوچستان کی صوبائی کابینہ نے وزیرِاعظم محمد شہباز شریف کو صوبے کے مسائل سے آگاہ کیا جس پر وزیرِاعظم محمد شہباز شریف نے یقین دلایا کہ وفاقی حکومت بلوچستان کی ترقی خوشحالی اور یہاں کے مسائل حل کرنے کیلئے ہر ممکن اقدام اٹھائے گی۔

وزیرِاعظم محمدشہبازشریف نےبلوچستان کےتمام زرعی ٹیوب ویلزکی سولرآئیزیشن کاتاریخی اجراء کر دیا،وفاقی حکومت بلوچستان حکومت کےساتھ مل کربلوچستان کےتقریباً 28ہزاربجلی پرچلنےوالےٹیوب ویلز کوسولرپرمنتقل کرے گی،وزیراعظم شہباز شریف کا کہنا تھا کہ 55ارب روپے کےاس منصوبےکا70 فیصدوفاقی جبکہ30 فیصد بلوچستان حکومت اداکرےگی

وزیراعظم شہباز شریف سے گورنر، وزیراعلیٰ بلوچستان کی الگ الگ ملاقات
وزیرِاعظم محمد شہباز شریف سے گورنر بلوچستان جعفر خان مندوخیل کی ملاقات ہوئی ہے،ملاقات میں گورنر بلوچستان نے وزیرِاعظم کی بلوچستان کی ترقی و خوشحالی میں خصوصی دلچسپی پر انکا شکریہ ادا کیا۔گورنر بلوچستان نے وزیرِاعظم کو صوبے کے انتظامی امور اور امن و امان کی صوتحال سے بھی آگاہ کیا۔

وزیرِاعظم محمد شہباز شریف سے وزیرِاعلیٰ بلوچستان، سرفراز احمد بگٹی کی ملاقات ہوئی ہے،ملاقات میں وزیرِاعلیٰ بلوچستان نے وزیرِاعظم کو صوبے کے انتظامی امور اور امن و امان کی صورتحال سے آگاہ کرنے کے ساتھ ساتھ ترقیاتی منصوبوں پر پیش رفت سے بھی آگاہ کیا۔

قبل ازیں وزیرِاعظم محمد شہباز شریف ایک روزہ دورے کیلئے کوئٹہ پہنچ گئے۔کوئٹہ پہنچنے پر گورنر بلوچستان شیخ جعفر خان مندوخیل اور وزیرِاعلی بلوچستان سرفراز احمد بگٹی نے وزیرِاعظم کا استقبال کیا۔وزیرِاعظم سے کوئٹہ میں بلوچستان کی کابینہ اور ارکانِ پارلیمان ملاقات کریں گے۔وزیرِاعظم کوئٹہ میں بلوچستان کے کسانوں کی ترقی و خوشحالی کیلئے وفاقی اور بلوچستان حکومت کی جانب سے ایک تاریخی پیکیج کا بھی اعلان کریں گے۔وفاقی وزراء جام کمال خان، اعظم نذیر تارڑ سردار اویس خان لغاری، عطاء اللّٰہ تارڑ، وزیرِ مملکت علی پرویز ملک وزیرِاعظم کے ہمراہ ہیں

عمران خان نے آخری کارڈ کھیل دیا،نواز شریف بھی سرگرم

موجودہ بجٹ معیشت، عوام ،ملک کے لئے تباہ کن ثابت ہوگا،شاہد خاقان عباسی

شاہد خاقان عباسی کچھ بڑا کریں گے؟ن لیگ کی آخری حکومت

پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

جسٹس ملک شہزاد نے چیف جسٹس سے چھٹیاں مانگ لیں

اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

عمران خان کیخلاف درخواست دینے پر جی ٹی وی نے رپورٹر کو معطل کردیا

سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی

توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش

باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا

اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

اڈیالہ جیل میں قید عمران خان نے بالآخر گھٹنے ٹیک دیئے

جعلی ڈگری،جسٹس طارق جہانگیری کے خلاف ریفرنس دائر

"بھولے بابا” کا عام آدمی سے خود ساختہ بابا بننے کا سفر ،اربوں کے اثاثے

اصلی ولن آئی ایم ایف یا حکومت،بے حس اشرافیہ نے عوام پر بجلی گرا دی

Leave a reply