بھٹوکی نگری میں‌ کتےکےکاٹنےسےنئےسال میں جان چلی گئی

0
25

کراچی : بھٹوکی نگری میں‌ کتےکےکاٹنےسےنئےسال میں پہلی ہلاکت ،اطلاعات کےمطابق پاگل کتےکےکاٹنےاوراینٹی ریبیزویکسین نہ ملنےکےسبب شکارپورکا 20 سالہ نوجوان کراچی کے جناح اسپتال میں آج دم توڑ گیا۔

جناح اسپتال کراچی کی ایگزیکٹو ڈائریکٹر ڈاکٹر سیمی جمالی کے مطابق گزشتہ روز شکارپور سے بیس سالہ نوجوان شاہد اقبال کو تشویشناک حالت میں اسپتال لایا گیا تھا جس کے معائنے کے بعد انکشاف ہوا کہ مریض مہلک ترین بیماری ریبیز کا شکار ہو چکا تھا۔ڈاکٹرسیمی جمالی کے مطابق شاہد اقبال میں ہائیڈرو فوبیا یعنی پانی سے ڈرنے اور شدید بےچینی کی علامات پائی گئیں۔

جناح اسپتال کی ایگزیکٹوڈائریکٹر ڈاکٹر سیمی جمالی کےمطابق شاہداقبال کو گزشتہ روز شکار پور سے جناح اسپتال لایا گیا تھا اور جناح اسپتال کے آئسولیشن وارڈ میں مریض کی اذیت کم کرنے کے لئے اسے سکون آور ادویات دی جارہی تھی۔تاہم وہ جانبر نہ ہوسکا ۔واضح رہےکہ رواں سال2020 میں سندھ میں ریبیزکے باعث ایک جبکہ گزشتہ سال کتے کے کاٹنے کے باعث 25 افراد جان کی بازی ہار چکے ہیں۔

Leave a reply