ڈالر ہوا مزید مہنگا

ڈالر ہوا مزید مہنگا
باغی ٹی وی :پاکستان میں رواں ہفتے کے پہلے کاروباری روز کے دوران اوپن اور انٹر بینک میں امریکی ڈالر بالترتیب 25 اور 3 پیسے مہنگا ہو گا۔

تفصیلات کے مطابق ملک بھر میں پاکستانی روپیہ کی کرنسی تنزلی کی جانب گامزن ہے جبکہ امریکی ڈالر کی قدر میں مسلسل اضافہ دیکھنے کو مل رہا ہے۔ گزشتہ ایک ماہ کے دوران امریکی ڈالر تقریباً دس روپے کے قریب بڑھ گیا ہے۔
آج اوپن مارکیٹ میں ڈالر 25 پیسے مہنگا ہوا جس کے بعد روپے کے مقابلے میں امریکی کرنسی 167 روپے کی بلند ترین سطح پر پہنچ گئی ہے۔

دوسری طرف اوپن مارکیٹ کی طرح انٹر بینک میں امریکی کرنسی کی قدر میں اضافہ دیکھا گیا، ڈالر 3 پیسے مہنگا ہونے کے بعد 166 روپے 82 پیسے کی سطح پر بند ہوا۔
واضح رہے کہ گزشتہ سال کے آغاز میں ڈالر کی قیمت مسلسل بڑھتی رہی، جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے تک پہنچ گیا۔

اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی۔ گزشتہ چھ ماہ سے ڈالر کی قیمت میں مسلسل کمی دیکھنے میں آرہی ہے اور اس دوران 9 روپے کی کمی آئی

جواب چھوڑیں

آپ کا ای میل ایڈریس شائع نہیں کیا جائے گا.