ڈالر ہوا مزید مہنگا
باغی ٹی وی : کاروباری ہفتے کے آخری روز اوپن مارکیٹ میں ڈالر کی قیمت میں مزید 50 پیسے اضافہ ہوگیا۔
ایکسچینج کمپنیز ایسوسی ایشن کے مطابق ڈالر آج 159 روپے میں فروخت ہورہا ہے جو کہ گزشتہ روز 158.50 روپے میں دستیاب تھا۔
اسی طرح انٹر بینک میں ڈالر آج 159.30 روپے میں فروخت ہورہا ہے۔ کورونا وائرس کے باعث ڈالر کی قیمت میں گزشتہ کئی روز سے تیزی سے اضافہ ہورہا ہے جبکہ دنیا بھر بشمول پاکستان کی اسٹاک مارکیٹس بھی مندی کا شکار ہیں۔
گزشتہ سال کے آغاز میں ڈالر کی قیمت مسلسل بڑھتی رہی، جنوری میں ڈالر 138 روپے 93 پیسے، فروری میں 138 روپے 90 پیسے اور مارچ میں 139 روپے10 پیسے تک پہنچ گیا۔
کچھ روز قبل ڈالر کی قیمت میں 30 پیسے کمی ہوئی تھی جس کے بعد سے ڈالر کی قیمت برقرار رہی اور روپیہ مستحکم ہوا تھا ۔ اب پھر جب سے کرونا وائرس کی خبریں گردش میں ہیں. تب سے ڈالر مہنگا ہو رہا ہے .
