ڈالر کے مقابلے میں روپیہ تیزی سے تگڑا ہونے لگا

ڈالر کے مقابلے میں روپیہ تیزی سے تگڑا ہونے لگا

باغی ٹی وی : ملک بھر میں امریکی ڈالر کے مقابلے میں روپے کی قدر تیزی سے بحال ہونے لگی۔

تفصیلات کے مطابق گزشتہ چند روز کے دوران ملکی معیشت میں مثبت اعشاریے ملنے ، آئی ایم ایف کی طرف سے قرض پروگرام بحال ہونے اور ترسیلات زر کے مسلسل بڑھتی ہوئی خبروں کے باعث روپے کی قدرتیزی سے بحال ہو رہی ہے۔

رواں ہفتے کے دوسرے کاروباری روز کے دوران اوپن مارکیٹ میں روپے کے مقابلے میں امریکی ڈالر 30 پیسے سستا ہو گیا اور نئی قیمت 159 روپے 10 پیسے ہو گئی ہے۔

واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی