ڈالر نے بھی تاریخ رقم کر دی

0
24

ڈالر نے بھی تاریخ رقم کر دی

پاکستان میں ڈالر کی اونچی اڑان جاری ہے، ڈالر کی پرواز کم ہونے کا نام ہی نہیں لے رہی

پاکستان میں ڈالر کی قیمت میں مزید اضافہ ہو گیا ہے،انٹر بینک میں ڈالر کی قیمت ایک روپے 82 پیسے مزید مہنگا ہونے کے بعد 173 روپے ہو گئی ہے جو پاکستان کی تاریخ میں ڈالر کی سب سے زیادہ قیمت ہے جمعے کو کاروبار کے اختتام پر انٹر بینک میں ڈالر 171 روپے 18 پیسے پر بند ہوا تھا ، رواں ہفتے ڈالر کی قیمت میں پھر اضافہ ہو گیا، ڈالر کی قیمت میں اضافے کے بعد پاکستان کے قرضوں میں بھی مزید اضافہ ہو گیا ہے

سینیٹر سلیم مانڈوی والا کا کہنا ہے کہ حکومت کی نااہلی کے باعث ملک معاشی تباہی کی طرف جا رہا ہے ڈالر پاکستان کی تاریخ کی بلند ترین سطح پر پہنچ گیا ہے، ڈالر کی قیمت میں اضافہ آئی ایم ایف کے ساتھ مذاکرات کے ثمرات ہیں، ڈالر کی قیمت میں مسلسل اضافہ پریشان کن عمل ہے، ڈالر کی قیمت میں مسلسل اضافہ حکومت کی معاشی ٹیم کی نااہلی ہے، حکومت نے ڈالر کی بڑھتی قیمت کو نہ روکا تو مہنگائی میں اور اضافہ ہوگا،

معاشی ماہرین کا کہنا ہے کہ ڈالر کی قیمت میں اضافے اور روپے کی قدر میں کمی کی بنیادی وجہ ہمارا کرنٹ اکاؤنٹ خسارا ہے اور اس کے علاوہ آئی ایم ایف کی جانب سے روپے کی قدر مزید کم کرنے کا مطالبہ بھی ہے جس سے نہ صرف ڈالر کی قیمت مزید بڑھے کا خدشہ ہے بلکہ اس سے مہنگائی میں بھی اضافہ ہو گا

وزیر داخلہ شیخ رشید احمد ڈالر ذخیرہ کرنے والوں کے خلاف کاروائی کا عندیہ دے چکے ہیں اور افغانستان کو روپے کی قدر میں کمی کا ذمہ دار قرار دے چکے ہیں، شیخ رشید احمد کا یہ بھی کہنا تھا کہ ڈالر ذخیرہ اور مہنگا کرنے والے 88 افراد کو گرفتار کر لیا جبکہ 47 کے خلاف مقدمہ درج کیا گیا ہے

قبل ازیں ریٹنگ ایجنسی فچ نے 2022ء میں ڈالر کی قیمت سے متعلق بڑی پيشگوئی کرتے ہوئے کہا تھا کہ آئندہ سال پاکستانی روپیہ مزید کمزور اور ڈالر 180 روپے تک پہنچ جائے گا افغانستان کی صورتحال کے باعث پاکستانی روپے کی قدر گراوٹ کا شکار ہے، آئندہ سال روپیہ مزید کمزور ہوجائے گا۔ فچ نے 2021ء میں ڈالر کے ریٹ 158 روپے تک رہنے کی پیشگوئی کی تھی تاہم رواں سال اوسطاً ڈالر کا نرخ 164 روپے تک رہا

کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

کرونا ویکسین کی تیاری کے لئے امریکہ مسلمان سائنسدانوں کا محتاج

پاکستان میں کرونا ویکسین کہاں تک پہنچ گئی، مبشر لقمان کے ساتھ ڈاکٹر جاوید اکرم کے تہلکہ خیز انکشافات

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

کورونا ویکسین لگنے سے 500 کے قریب بھارتیوں کی حالت بگڑ گئی

کرونا ویکسین کے ذریعے ہمارے جسم میں بندر کا ڈی این اے ڈالا جائے گا،شہری عدالت پہنچ گیا

عالمی ادارہ صحت کی پاکستان کو کرونا ویکسین بارے بڑی یقین دہانی

کرونا ویکسین کا راز ہیکرز کی جانب سے چوری کرنے کی کوشش ناکام

کرونا پھیلاؤ روکنے کے لئے این سی او سی کا عوام سے مدد لینے کا فیصلہ

کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

Leave a reply