ڈولفن پولیس کا یہ ہفتہ کیسا گزرا ؟ ایس پی ڈولفن نے ساری حقیقتیں کھول کر رکھ دیں

لاہور : لاہور میں شاہرات پر امن وامان کی صورت حال کیسی رہی اور ڈولفن پولیس کا اس دوران کیا کردار رہا اس کے بارے میں ایس پی ڈولفن اسکواد بلال ظفر نے ڈولفن سکواڈاور پولیس ریسپانس یونٹ کی ہفتہ وار کارکردگی رپورٹ جاری کردی

ایس پی ڈولفن اسکواڈ کے مطابق اس ہفتے ہیلپ لائن 15 پر موصولہ تمام510کالز پر فوری ریسپانس عمل میں لایاگیا۔ایس پی ڈولفن سکواڈبلال ظفرنے بتایا کہ دوران پٹرولنگ173 گاڑیوں،01 لاکھ 21 ہزارسے زائد موٹر سائیکلوں اور79 ہزار سے زائد اشخاص کی چیکنگ عمل میں لائی گئی

محکمہ کے ذرائع کے مطابق 40موٹر سائیکلیں،25موبائل فونزاور74 ہزار روپے سے زائد نقدی برآمد۔ دوران گشت ملزمان سے18 پسٹلز،02 رائفلز،16 میگزین اور239گولیاں برآمد کیں۔ کمیونٹی پولیسنگ کو فروغ دیتے ہوئے87 افراد کی مدد کی گئی۔کوائف مکمل نہ ہونے پر06 وہیکلز،71موٹر سائیکلز تھانوں میں بند اور182 اشخاص کے خلاف قانونی کارروائی کی گئی۔

جعلی نمبرپلیٹس والی03 گاڑیوں اور15 موٹرسائیکلوں کے خلاف کارروائی عمل میں لاکر مقدمات درج کئے گئے۔ ون ویلنگ میں 15،ہوائی فائرنگ 01 اورپتنگ بازی کی خلاف ورزی پر06 ملزمان کو گرفتار کیا گیا۔ڈولفن سکواڈ اور پی آر یو کے جوانوں نے34عادی مجرمان کو بھی گرفتار کیا۔