شادیانی کی بجائے صف ماتم بچھ گئی ، دولہا کیوں قتل ہوا

شادیانی کی بجائے صف ماتم بچھ گئی ، دولہا کیوں قتل ہوا

باغی ٹی وی رپورٹ کے مطابق خوشی کی شادیانیوں پر صف ماتم بچھ گئی . پشاور کے علاقے پہاڑی پوری میں شادی تقریب کے دوران خواتین کی ویڈیو بنانے پر فائرنگ ہو گئی، دولہا کو ولیمے کے روز قتل کر دیا گیا۔
پشاور سٹی پولیس کے مطابق ملزموں نے ولیمے کے دوران فائرنگ کی جس کے نتیجے میں جوان سال دولہا عابد خان موقع پر جاں بحق ہوگیا۔
اس سلسے میں پولیس نے جو ابتدائی تفتیش کی اس کے مطابق رشتہ داروں کے درمیان جھگڑا پیش آیا، ملزمان میں دولہے کا بہنوئی بھی شامل ہے۔
واقعہ کے بعد تینوں ملزمان موقع سے فرار ہو گئے، پولیس نے مقدمہ درج کر کے تین ملزمان کی تلاش شروع کر دی ہے۔
پولیس مختلف ٹھکانوں پر چھاپے مار رہی ہے تاہم ابھی تک کوئی گرفتاری عمل میں نہیں لائی جا سکی۔
مقتول عابد خان کی نماز جنازہ آبائی قبرستان میں ادا کر دی گئی ہے، سانحہ نے پورے علاقے کو سوگوار کر دیا. معمولی سی بات اور تنازعے سے ایک ایسا الم ناک واقعہ رو نما ہوا کہ پورا ماحول سوگوار ہو گیا.