ڈاؤ یونیورسٹی یونٹ کی طرف سے ناصر حسین شاہ کی سالگرہ کیک کاٹا گیا

کراچی : ڈاؤ یونیورسٹی یونٹ کی طرف سے ناصر حسین شاہ کی سالگرہ کیک کاٹا گیا ۔

پاکستان پیپلز پیرامیڈیکل اسٹاف ڈاؤ یونیورسٹی یونٹ کے وفد نے وزیر بلدیات سیدناصر حسین شاہ سے علی ہاوس کلفٹن کراچی پر ملاقات کی وفد میں ڈاؤ یونٹ کے صدر راؤ قاسم، سینئر نائب صدر محمد مشتاق،نائب صدور ناصر حسین ، جہانگیر شاہ، محمداویس احمد،جنرل سکریٹری اختر بیگ،انفارمیشن سکریٹری تجمل حسین،انفارمیشن سیکرٹری محمد شعیب راجپوت شامل تھے۔

ملاقات میں ناصر حسین شاہ سے ڈاؤ یونیورسٹی کے معاملا ت پر تفصیلی گفتگو کی گئی اور ملازمین کے مسائل سے آگاہ کیا گیا، جس پر وزیر بلدیات سید ناصر حسین شاہ نے اپنے بھرپور تعاون کا یقین دلایا، تنظیمی معاملات کے بعدڈاؤ یونیورسٹی یونٹ کی طرف سے ناصر حسین شاہ کی سالگرہ کیک کاٹا گیا ۔اس موقع پر بلاول ہاؤس کے میڈیا سیل کے انچارج سردار نزاکت علی اور پیپلز پارٹی کے سینئر رہنما عزیر رستم صاحب بھی موجود تھے۔بعدازاں وزیر بلدیات ناصر حسین شاہ نے ڈاؤ یونیورسٹی یونٹ کے تمام عہدیداروں اور خاص طور پر ڈاؤ یونیورسٹی ہسپتال یونٹ کے صدر راؤ قاسم اورسینئر نائب صدر محمد مشتاق کا شکریہ ادا کیا ۔