بھکر : ڈی پی اومحمد نوید کا تھانہ سٹی دریاخان کا سرپرائز وزٹ
بھکر( باغی ٹی وی نامہ نگار اتباع رسول ملنگی)بھکر آر پی او سرگودھا شارق کمال صدیقی کی ہدایت پر ڈی پی او بھکر محمد نوید کا تھانہ سٹی دریاخان کا سرپرائز وزٹ،دوران وزٹ تھانہ کی حوالات میں نصب کیمروں، اسلحہ کی خبر گیری اور تھانہ کی صفائی ستھرائی کا جائزہ لیا.۔محرر تھانہ نے حوالات میں بند ملزمان کی ترتیب وار تفصیل سے آگاہ کیا۔ فرنٹ ڈیسک پر آن لائن ریکارڈ کے ذریعے زیر تفتیش مقدمات کا جائزہ لیا اور ان کو جلد از جلد یکسو کرنے کا حکم دیا۔ڈی پی او نے SHOکو ہدایت کی کہ تھانہ میں آنے والے سائلین کے مسائل کو فوری حل کیا کریں اور انکے ساتھ انتہائی شائستگی سے پیش آئیں۔تھانہ کلچر میں تبدیلی لاتے ہوئے شہریوں کی جان و مال کی حفاظت کو یقینی بنائیں اور جرائم پیشہ افراد کے خلاف زیادہ سے زیادہ قانونی کاروائی عمل میں لائیں۔.
