ڈیرہ غازی خان: معروف ہومیو ڈاکٹر راؤ محمد سلیم اصغر وفات پا گئے

ڈیرہ غازی خان (سٹی رپورٹر جواد اکبر) معروف ہومیو ڈاکٹر ذیشان ہومیوپیتھک سٹور کے بانی ڈاکٹر راؤ محمد سلیم اصغر وفات پا گئے

تفصیلات کے ڈیرہ غازی خان کی مشہور و معروف کاروباری شخصیت و بانی ذیشان ہومیو سٹور ڈاکٹر راؤ محمد سلیم اصغر بقضائے الہیٰ وفات پا گئے۔ مرحوم راؤ محمد فیاض، جو ایک سینئر صحافی ہیں کے سسر و کزن اور راؤ محمد نعمان سلیم، ڈاکٹر راؤ محمد عمران سلیم کے والد تھے۔ ان کی نماز جنازہ اللہ آباد کالونی، پرانا نادرا آفس، 3 مرلہ اسکیم میں ادا کی گئی۔

نماز جنازہ میں ڈیرہ غازی خان کے مختلف طبقات سے تعلق رکھنے والی معزز شخصیات نے شرکت کی، جن میں ڈی جی خان بار کے معروف قانون دان و سابق صدر بار راؤ محمد اعجاز ایڈووکیٹ، مہر فدا حسین ایڈووکیٹ، کفائیت عباس ایڈووکیٹ، امتیاز کریم درانی ایڈووکیٹ، اور کثیر تعداد میں صحافی و وکلاء برادری شامل تھی۔ اس کے علاوہ ڈیرہ غازی خان کی کاروباری، سیاسی و سماجی شخصیات اور شہریوں کی بڑی تعداد نے شرکت کی۔

مرحوم کے بھائیوں راؤ محمد شمیم اصغر، راؤ محمد وسیم اصغر، راؤ محمد ندیم اصغر، سماجی و کاروباری شخصیت ساجد خان، عمر خان ککے زئی، جرنلسٹ جواد بھٹی، ماڈل ٹاؤن اور شہر بھر کے دیگر معززین اور مرحوم کے قریبی عزیز و اقارب بھی جنازے میں شریک ہوئے۔

ڈاکٹرراؤ محمد سلیم اصغر کی وفات سے ڈیرہ غازی خان ایک ہمدرد اور ماہر ہومیوپیتھک ڈاکٹر سے محروم ہو گیا ہے۔ مرحوم نے اپنے کیریئر کے دوران نہ صرف طب کے میدان میں نمایاں خدمات انجام دیں بلکہ معاشرتی مسائل کے حل میں بھی بڑھ چڑھ کر حصہ لیا۔

شہر کے عوام کا کہنا ہے کہ ان کی وفات سے پیدا ہونے والا خلا شاید کبھی پُر نہ ہو سکے گا۔ مرحوم کی انسان دوستی اور طبی خدمات ہمیشہ یاد رکھی جائیں گی۔ اللہ تعالیٰ مرحوم کو جنت الفردوس میں جگہ عطا فرمائے اور ان کے لواحقین کو صبر جمیل دے۔

Comments are closed.