یو اے ای میں دبئی پولیس نے گداگر وں کے خلاف کارروائیوں کے دوران 127 بھکاریوں کو گرفتار کر کے 50 ہزار درہم برآمد کر لیے۔
دبئی پولیس کے مطابق دبئی میں 5 سال کے دوران 2 ہزار سے زائد بھکاریوں کو گرفتار کیا جا چکا ہے۔ پولیس کے جنرل ڈیپارٹمنٹ آف کریمنل انویسٹی گیشن نے دبئی پولیس اسٹیشنوں کے تعاون سے کارروائیاں کیں۔ متحدہ عرب امارات میں بھیک مانگنے والوں کے خلاف بڑے پیمانے پر کریک ڈاؤن جاری ہے۔ اور رمضان المبارک کے وسط تک 127 بھکاریوں کو گرفتار کر کے ان کے قبضے سے 50 ہزار درہم برآمد کر لیے گئے۔
حکام کے مطابق انسداد گداگری مہم میں سخت اور فیصلہ کن اقدامات کے باعث گداگروں کی سالانہ تعداد میں کمی آ رہی ہے۔سرکاری حکام نے کہا کہ رمضان المبارک کے دوران انسداد گداگری کے لیے کارروائیوں کو تیز کرتے ہوئے ایک جامع سیکیورٹی پلان بنایا گیا ہے۔ اور ان علاقوں میں گشت کو بڑھا دیا گیا جہاں گداگروں کی موجودگی کا امکان ہے۔
اربوں روپٔے مالیت کی نشہ آور ٹیبلٹس کی اسمگلنگ ناکام
گزشتہ کئی ماہ سے درآمدات میں نمایاں اضافہ ہو گیا
