باچا خان ائیرپورٹ پر دبئی سے آنیوالے مسافروں سے 96 تولہ سونا برآمد

پشاور: کلکٹریٹ آف کسٹمز انفورسمنٹ پشاور نے باچا خان انٹرنیشنل ائیرپورٹ پر کارروائی کرتے ہوئے دبئی سے آنے والی پرواز کے مسافروں سے ایک کلو سے زائد سونا برآمد کرلیا-

باغی ٹی وی : کسٹم حکام نے دبئی سے آنے والی پرواز ای کے 636 کے مسافروں کے سامان کی چیکنگ کے دوران پشاور کے رہائشی مطیع اللہ ولد وارث خان اور نورین بی بی ولد پرویزاقبال سے 1168 گرام (96 تولہ) سونے کے زیورات بر آمد کر لئے-

سندھ کے پچاس کرپٹ افسران کے خلاف کارروائی کا فیصلہ

تفتیش کے دوران مسافرقانونی دستاویزات فراہم کرنے میں ناکام رہے حکام کی طرف سے کسٹم ایکٹ 1969 کے تحت مزید کارروائی کرتے ہوئے سونا قبضے میں لے کر ملزمان کو حراست میں لے لیا گیا۔

قبل ازیں پاکستان میری ٹائم سیکیورٹی ایجنسی اور کسٹم نے بحیرہ عرب میں آپریشن کرکے 2 ارب روپے کی منشیات کی کھیپ پکڑلی تھی-

کموڈور عامر اقبال اور ایڈیشنل کلکٹر کسٹم علی رضا نے پریس کانفرنس کرتے ہوئے کہا کہ پاکستان میری ٹائم سکیورٹی ایجنسی اور کسٹم نے بحیرہ عرب میں انسداد منشیات کے خلاف مختلف آپریشنز کرکے اربوں روپے مالیت کی منشیات اسمگلنگ کی کوشش ناکام بنادی۔

گوجرہ:جعلی ایس ایچ او کے خلاف قانون حرکت میں آگیا

اسمگلروں کی جانب سے منشیات سمندر میں پھینک کر شواہد کو مٹانے کی کوشش کی گئی تاہم وہ اس میں کامیاب نہ ہوسکے اسمگلروں سے برآمد ہونے والی منشیات کی مالیت 2 ارب روپے کے لگ بھگ ہے۔

علاوہ ازیں میری ٹائم سکیورٹی ایجنسی نے کھلے سمندر میں پاکستان حدود کی خلاف ورزی کرنے والی لانچ کو تحویل میں لے کر لانچ پر سوار 6 بھارتی ماہی گیروں کو گرفتار کرلیا۔

بھارتی ماہی گیروں کو پاکستان کے خصوصی اقتصادی زون میں موجودگی کے باعث پیٹرولنگ ٹیموں نے گرفتار کیا۔ مزید قانونی کارروائی کے لیے بھارتی ماہی گیروں کو کراچی منتقل کیا گیا-

ڈی جی خان سے عمرہ کیلئے اسلام آباد ائیرپورٹ جانے والی فیملی کو راولپنڈی میں ڈاکوؤں نے لوٹ لیا