اوچ شریف :دولہا ارمان دل میں لئے خالی ہاتھ باراتیوں کے ساتھ واپس روانہ

0
29

اوچ شریف :دوسری شادی کے لئے بارات لیکر آنے والے 50 سالہ دولہا کے ساتھ 16 سالہ دلہن نے رخصتی سے انکار کردیا ، زبردستی شادی کی کوشش پر دلہن نے 15 پر کال کرکے پولیس کو بلالیا ، دولہا ارمان دل میں لئے خالی ہاتھ باراتیوں کے ساتھ واپس روانہ-

باغی ٹی وی : اوچ شریف کے علاقہ اوچموغلہ میں دولہا دوسری شادی کے لئے ڈھول اور بینڈ باجوں کے ساتھ دھوم دھام سے بارات لیکر اپنی دلہن لینے گیا ، بارات جب دلہن کے گھر پہنچی تو دلہن نے رخصتی سے انکار کردیا اور کہا کہ اس کی عمر 16 سال ہے اور اس کی شادی 50 سالہ شخص سے زبردستی کی جارہی ہے –


رشتہ داروں نے منت سماجت کی مگر اس نے کسی کی نہ مانی جب زبردستی کی کوشش کی گئی تو 16 سالہ دولہن گلناز نے پولیس ایمرجنسی نمبر 15 پر کال کرکے پولیس کو بلالیا-

اس موقع پر لڑکی گلناز نے میڈیا کو بتایا کہ اس کا ابھی شناختی کارڈ بھی نہیں بنا اس کی زبردستی 50 سالہ شخص سے شادی کی جارہی ہے جس سے وہ کسی صورت نہیں کرے گی ، اس طرح دولہا کو پولیس کی منت سماجت کرکے بمشکل اپنی جان چھڑائی ورنہ رات حوالات میں گزارنا پڑتی –

Leave a reply