دنیا کی نظریں عمران، ٹرمپ ملاقات پر جم گئیں، وزیراعظم کی آج اور کیا ہیں مصروفیات؟ اہم خبر

وزیراعظم پاکستان عمران خان پاکستانی وقت کے مطابق 8 بج کر 30 منٹ پر وائٹ ہاؤس پہنچیں گے جہاں وہ امریکی صدر ڈونلڈ ٹرمپ سے اہم ملاقات کریں گے. اس موقع پر امریکی صدر ڈونلڈ ٹرمپ وزیراعظم عمران خان کو وائٹ ہاؤس کا دورہ بھی کرائیں گے،

باغی ٹی وی کی رپورٹ کے مطابق اس وقت ساری دنیا کی نظریں وزیر اعظم عمران خان کے دورہ امریکہ اور ان کی ٹرمپ سے ملاقات پر لگی ہوئی ہیں، دونوں ملکوں کے سربراہان میں افغانستان میں امن عمل سمیت دیگر اہم ایشوز پر گفتگو ہو گی، وزیر اعظم عمران خان کے حالیہ دورہ امریکہ کو بہت زیادہ اہمیت دی جارہی ہے، وزیر اعظم کی آج کی ملاقاتوں کا باقاعدہ شیڈول جاری کر دیا گیا ہے، وزیر اعظم اہم کاروباری شخصیات سے ملاقات کریں گے، وزیراعظم عمران خان پاک امریکا بزنس کونسل کے ساتھ میٹنگ کریں گے، وہ غیر ملکی میڈیا کو انٹرویو دیں گے،

میڈیا رپورٹس میں بتایا گیا ہے کہ وزیراعظم عمران خان کی امریکی کمپنیوں کےسی ای اوزسےگول میزملاقات ہوگی، وزیراعظم عمران خان پاکستانی وفد کے ارکان سے پلاننگ میٹنگ کریں گے، وہ سینیٹر لنزے گراہم سے ملاقات کریں گے،

جواب چھوڑیں

آپ کا ای میل ایڈریس شائع نہیں کیا جائے گا.