اسلام آباد: احساس کی 8171 ایس ایم ایس سروس گھرانوں کی راشن رعایت رجسٹریشن کے لیے آج سے دوبارہ کھل گئی-
باغی ٹی وی : تفصیلات کے مطابق احساس پروگرام کی سربراہ ڈاکٹر ثانیہ نشتر نے کہا ہے کہ سروس بحال کرنے کا فیصلہ احساس راشن رعایت میں عوام کی بھرپور دلچسپی کے پیش نظر کیا گیا ہے، گھرانے کا کوئی ایک فرد اپنا شناختی کارڈ نمبر اس موبائل سم سے 8171 پر بھیجے جو اس کے نام پر رجسٹرڈ ہے جن گھرانوں کی ماہانہ آمدنی 50 ہزار سے کم ہے وہ اپنی رجسٹریشن کرواسکتے ہیں۔
ڈاکٹر ثانیہ نشتر نے کہا کہ رجسٹریشن پروگرام سے دو کروڑ مستحق گھرانے مستفید ہوں گے،https://ehsaasrashan.pass.gov.pk/er_Beneficiary_Registration.aspx احساس راشن رعایت پر عمل درآمد کی تیاریاں مکمل ہیں جس کا اجرا جلد ہوگا۔
ان کا کہنا تھا کہ احساس رجسٹریشن کے پہلے مرحلے میں کل 1 کروڑ 95 لاکھ درخواستیں موصول ہوئیں، مجموعی طور پر 93 لاکھ گھرانوں نے درخواستیں جمع کروائیں پروگرام کے تحت گھرانوں کی اہلیت کی جانچ پڑتال بھی جاری ہے-
ثانیہ نشتر نے کہا کہ اہل گھرانوں کو اہلیت کے پیغامات مرحلہ وار بھجوائے جا رہے ہیں، کریانہ دکان داروں کی احساس راشن رجسٹریشن بھی بذریعہ پورٹل جاری ہے۔
وضح رہے کہ وزیراعظم نے3نومبر2021 کو احساس راشن پروگرام کا اعلان کیا اس پروگرام سے 2کروڑ خاندان مستفید ہوں گے جن کا انتخاب حال ہی میں مکمل ہونے والے احساس سروے کے ذریعے کیا جائے گا مجموعی طور پر13کروڑ لوگ اس پروگرام سےاستفادہ حاصل کریں گے دراصل پاکستان کی 53فیصد آبادی مستفید ہوگی۔
ہر ماہ آٹا، دال اور گھی/پکانے کے تیل کی خریداری پر فی خاندان ایک ہزار روپے کی رعایت دی جائے گی یہ سہولت نیشنل بینک آف پاکستان کے مختص کردہ کریانہ سٹورز پر دستیاب ہوگی۔
2021 کے لئے پروگرام کا نصف سال کا بجٹ 120ارب روپے تھا پروگرام کی لاگت وفاق اور احساس راشن مدد میں شامل صوبے مل کر برداشت کریں گے پنجاب، خیبرپختونخوا، گلگت بلتستان اور آزاد جموں و کشمیر کی صوبائی حکومتیں پروگرام میں شامل ہو چکی ہیں۔
