fbpx

عید کی آمد، بازاروں میں رش، پولیس غائب

شیخوپورہ(نمائندہ باغی ٹی وی)رمضان المبارک کے تیسرے عشرے کے شروع ہوتے ہی بازاروں میں خریداروں کا رش بڑھ جانے کے باعث اندرون شہر بے ہنگم ٹریفک نے شدید گرمی میں شہریوں کا براحال کر دیا،گاڑیوں کی لمبی لائنوں اور ٹریفک جام رہنا معمول بن گیا
لاہور سرگودھا روڈ پر کوئی ٹریفک پولیس کا اہلکار اپنی ڈیوٹی پر موجود نہ ہے اندرون شہر ڈیوٹی پر موجود اہلکارآپس میں خوش گپیوں میں مصروف رہنے لگے جبکہ ڈی ایس پی ٹریفک اپنے آفس میں اے سی میں بیٹھ کر سب اچھا کی رپورٹ بنانے لگے،شدید گرمی میں ٹریفک کے ستائے شہری اس صورتحال پر سراپا احتجاج بن گئے اور انہوں نے آئی جی پنجاب پولیس سے مطالبہ کیا ہے کہ وہ صورتحال کا نوٹس لیں اور ٹریفک پولیس کے خلاف سخت ایکشن لیں،

بتایا گیا ہے کہ شہریوں کی طرف سے عید کی خریداری کا رش بڑھنے سے شہر میں دونوں اطراف ٹریفک جام رہنا معمول بن گیا،لاہور روڈ پر گلی ککے زئیاں،اکبر بازار،گلی حکیماں میں خواتین کی آمد رفت کی وجہ سے ٹریفک کا نظام بری طرح متاثر ہو رہا ہے وہاں پر موجود ٹریفک اہلکار ٹریفک کنٹرول کرنے کی بجائے سائے میں کھڑے ہو کر خوش گپیوں میں مصروف دکھائی دیتے ہیں جس کی وجہ سے شدید گرمی میں شہری بلبلا اٹھے،جبکہ ڈی ایس پی ٹریفک ان اہلکاروں کی ڈیوٹی چیک کرنے اور ٹریفک کے مسائل حل کرنے کی بجائے اپنے دفتر تک محدود ہو کر رہ گئے جس کی وجہ سے شہر بھر میں سارا دن ٹریفک جام رہنے سے شہری شدید اذیت کا شکار ہو کر رہ گئے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.