fbpx

عید سے پہلے ہی ٹرانسپورٹرز نے کرایوں میں اضافہ کردیا

پاکستان میں تہواروں کے موقع پر منافع خور اپنی منافع خوری میں مزید اضافہ کر دیتے ہیں، عید کے ایام قریب آتے ہی عیدی کمانے کی مد میں‌ معمول کے کرائیوں میں اضافہ کردیتے ہیں،عید الاضحی سے قبل پبلک ٹرانسپورٹ کے کرایوں میں بلا اجازت اضافہ کر دیا گیا ہے.
وزیرٹرانسپورٹ اویس قادرشاہ کےاحکامات پرزائد کرایہ وصول کرنے والے ٹرانسپورٹرز کے خلاف کاروائی کا آغاز کردیا گیا ہے.
محکمہ ٹرانسپورٹ سندھ کا ڈویژنل کمشنرز، ڈی آئی جی، اورموٹروے پولیس کوخط لکھا گیا ہے، انٹرسٹی، بین الصوبائی پبلک ٹرانسپورٹ میں کرایوں کی جانچ پڑتال کے لئے نگراں کمیٹیاں قائم کرنے کی ہدایت کی گئی ہے، نگراں کمیٹیوں کے ذریعےزائد کرایہ وصول کرنے والے ٹرانسپورٹرز کے خلاف کاروائی کی جائے گی، روزانہ کی بنیاد پر ہائی ویز، موٹروے پر پبلک ٹرانسپورٹ کی چیکنگ کی ہدایت کی گئی ہے.