عید کے 3 دن، پنجاب میں 30 افراد کی ڈوب کر ہوئی موت،30 حادثے کا بنے شکار

باغی ٹی وی کی رپورٹ کے مطابق عید کے 3 دنوں میں 30 لوگ ڈوبنے سے اور 40 افراد کی روڈ ایکسیڈنٹ سے اموات ہوئی۔

ڈی جی ریسکیو پنجاب کا کہنا ہے کہ گزشتہ 3 دنوں میں 47 ڈوبنے کی ایمرجنسی پہ واٹر ریسکیو ٹیموں نے ریسپانڈ کیا۔ گزشتہ 3 دنوں میں پنجاب بھرمیں 47 ڈوبنے کے واقعات میں 30 لوگوں کی اموات ہوئیں۔

عیدکے تیسرے دن 1222ایکسیڈنٹ میں 13 افراد کی اموات ہوئی، گزشتہ 3 دنوں میں 4040 ایکسیڈنٹ میں 4833 زخمی افراد کو بروقت ریسکیو سروس فراہم کی گی۔ دنوں میں سب سے زیادہ 622روڈ ایکسیڈنٹ صوبائی دارالحکومت میں ہوئے۔

عیدکے دوسرے دن پنجاب بھر 1349ایکسیڈنٹ پہ فوری ریسکیو سروس مہیا کی گئی،گزشتہ دن ایکسیڈنٹ سے1639لوگ زخمی، جبکہ13افرادکی موت واقع ھوئی۔ سب سے زیادہ 216 روڈ ایکسیڈنٹ صوبائی دارلحکومت لاہور میں ہوئے۔ لاہورمیں عید کے دوسرے روز216 ایکسیڈنٹ میں 255 لوگ زخمی ہوئے۔

ڈی جی ریسکیو کے مطابق گزشتہ 2 دنوں میں پنجاب بھر میں ریسکیو کنٹرول میں 2818 ایکسیڈنٹ رپورٹ ہوئے۔

پنجاب کے ریسکیو 1122 کے جاری اعدادوشمار کے مطابق عید کے پہلے روز ایک ہزار چار سو انہتر حادثے ہوئے، گاڑیوں کے تصادم میں چودہ افراد کی موت ہوئی جبکہ آٹھ سو اسی لوگ زخمی ہو کر ہسپتال پہنچ گئے۔

ڈی جی ریسکیو 1122 پنجاب ڈاکٹر رضوان نصیر کے مطابق عوام نے عید کے دوران حکومتی ہدایت پر عمل نہ کیا، جس کی وجہ سے ٹریفک حادثات ہوئے۔ انہوں نے تجویز دی کہ جو افراد ہسپتالوں میں گئے، ان کے کورونا ٹیسٹ بھی ہونے چاہیں۔