fbpx

الیکشن زیادہ ضروری ہیں یا پھر انسانی جانیں ؟شرجیل میمن

باغی ٹی وی کی رپورٹ کے مطابق شہر قائد کراچی میں بلدیاتی الیکشن کل اتوار کو ہوں گے

سندھ حکومت کی کوشش کے باوجود الیکشن کمیشن نے الیکشن کو ملتوی نہیں کیا، الیکشن کمیشن ڈٹ گیا اور فیصلہ سنا دیا کہ الیکشن کل ہی ہوں گے، اس حوالہ سے سندھ کے صوبائی وزیر سعید غنی نے کہا ہے کہ کراچی میں کل بلدیاتی انتخابات ہورہے ہیں، تمام امیدوار اور عہدیدار کسی قسم کی افواہوں میں نہ آئیں،

سندھ کے صوبائی وزیر اطلاعات شرجیل میمن کا کہنا تھا کہ اگر سیکیورٹی کا ایشو رہے گا تو پھر الیکشن زیادہ ضروری ہیں یا پھر انسانی جانیں ؟ سندھ حکومت نے ایم کیو ایم کے تحفظات دور کردیے ہیں،سندھ حکومت نے اپنا رول ادا کردیا

کراچی اور حیدرآباد میں بلدیاتی انتخابات کا معاملہ،الیکشن کمیشن نے اعلامیہ جاری کردیا،جس میں کہا گیا ہے کہ کراچی اور حیدرآباد میں بلدیاتی انتخابات کل ہی کرائے جائیں گے، کراچی اور حیدر آباد کے بلدیاتی انتخابات ملتوی نہیں ہونگے سندھ بلدیاتی انتخابات دوسرے مرحلے کے لئے پولنگ کل ہوگی الیکشن کمیشن نے بلدیاتی انتخابات کےلیے سخت سیکیورٹی یقینی بنانے کی ہدایت کر دی،

الیکشن کمیشن کی جانب سے جاری اعلامیہ کے بعد متحدہ قومی موومنٹ پاکستان کی رابطہ کمیٹی کا ہنگامی اجلاس طلب کر لیا گیا ، ترجمان کے مطابق الیکشن کمیشن کے فیصلے کے بعد کی صورتحال کا جائزہ لیا جائے گا،

سیکریٹری الیکشن کمیشن عمر حمید خان کا کہنا ہے کہ گورنر نے جو کرنا ہے اس پر کچھ نہیں کہیں گے، ہم نے آئینی طریقے سے جو کرنا ہے وہ کریں گے،آئی جی سندھ سے ملاقات کررہے ہیں،معاملات پر بات کریں گے فرنٹیئر کانسٹیبلری کو بھی عوامی مفاد کے لیے استعمال کیا جاسکتا ہے، ہم نے ہمیشہ عوامی مفاد کو مد نظررکھنا ہے ،لوگ کل بلا خوف و خطر پولنگ اسٹیشنز جائیں اور ووٹ کا استعمال کریں

آئی جی سندھ غلام نبی میمن الیکشن کمیشن پہنچ گئے آئی جی سندھ سیکورٹی اقدامات کے حوالے سے ہونے والے اجلاس میں شرکت کے لئے پہنچے ہیں آئی جی سندھ سیکورٹی اقدامات پر سکریڑی الیکشن کمیشن کو بریفنگ دیں گے

امیر جماعت اسلامی کراچی حافظ نعیم کا کہنا ہے کہعوام کو مبارکباد دیتا ہوں ،حکومت اور اتحادی اب نوشتہ دیوار پڑھ لیں ،کون کتنا پاپولر ہے یہ فیصلہ کلعوام کو کرنے دیں عوام تذبذب کا شکارنہ ہوں کل ووٹ ڈالنے کا حق استعمال کریں سازش کرنے والوں کو علم ہوناچاہیے کوئی ساتھ نہیں دے رہا، کوئی آرڈیننس قابل قبول نہیں ہوگا ،کل الیکشن ہوگا،

علاوہ ازیں سندھ ہائی کورٹ میں کراچی اور حیدر آباد میں الیکشن موخر کرنے کےمعاملہ پر درخواست دائر کر دی گئی ہے، جماعت اسلامی کیجانب سےمراد علی شاہ،ناصرحسین شاہ اورشرجیل میں کیخلاف درخواست دائرکی گئی ،جس میں کہا گیا کہ عدالت کیجانب سے الیکشن کروانے کے احکامات کی مسلسل خلاف ورزی کی جارہی ہے،سپریم کورٹ اور ہائی کورٹ کے الیکشن کروانے کے واضع احکامات ہیں جماعت اسلامی کی جانب سے درخواست توہین عدالت کی دائر کی گئی ہے

سعودی عرب میں سخت ترین کرفیو،وجہ کرونا نہیں کچھ اور،مبشر لقمان نے کئے اہم انکشافات

سعودی عرب اور اسرائیل کا نیا کھیل، سنئے اہم انکشافات مبشرلقمان کی زبانی

کرونا وائرس، امید کی کرن پیدا ہو گئی،وبا سے ملے گا جلد چھٹکارا،کیسے؟ سنیے مبشر لقمان کی زبانی

محمد بن سلمان کے گرد گھیرا تنگ، خوف کا شکار، سنئے اہم انکشافات مبشر لقمان کی زبانی

سجاول میں کل 15 جنوری کو ہونے والے بلدیاتی انتخابات کی تیاریاں مکمل کرلی ہیں ۔ ڈسٹرکٹ ریٹرننگ افسر کی جانب سے پولنگ اسٹیشنوں پر پولنگ سامان کی ترسیل کا عمل شروع ہو گیا ہے ۔ 194 پولنگ اسٹیشن پر پولیس کہ نگرانی میں پولنگ سامان روانہ کیا جارہا ہے ۔251 نشستوں پر 95 امیدوار مدمقابل ہیں ۔ سجاول ضلع کی ضلع کونسل کی 37 نشستوں میں سے 28 نشستوں پر مختلف امیدوار بلامقابلا کامیاب ہوچکے ہیں پیپلز پارٹی جمیعت علمائے اسلام پی ٹی آئی قومی عوامی پارٹی تحریک لبیک اور آزاد امیدواران کی درمیان مقابلے ہونگے

حیدرآباد میں بلدیاتی انتخابات کے لئیے سامان کی ترسیل کا عمل جاری ہے،پبلک اسکول میں پولنگ عملے کو سامان دیا جارہا ہےعملے کو بیلٹ باکس،بیلٹ پیپرز اور مہر سمیت دیگر سامان مہیا کیا جارہا ہے صوبائی الیکشن کمیشن سندھ،مرکزی دفتر کے اطراف خاردار تاریں نصب کر دی گئی ہیں،مٹیاری : سندھ میں بلدیاتی انتخابات کا دوسرا مرحلہ، مٹیاری ضلع میں کل دنگل سجے گا تیاریاں مکمل کر لی گئیں، ضلع مٹیاری کی تیس یونین کونسل ایک میونسپل اور چھ ٹائون کمیٹیز پر مقابلہ ہوگا۔۔ ضلع مٹیاری کے کل 3 لاکھ 68 ہزار 589 ووٹرز حق رائے دہی استعمال کرینگے۔ مرد ووٹرز کی تعداد 1 لاکھ 95 ہزار 831 جبکہ خواتین کی تعداد 1لاکھ 72 ہزار 758 ہے ووٹرز کے لیے ضلع بھر میں کل 345 پولنگ اسٹیشن بنائے گئے ہیں مرد پولنگ اسٽيشن کی تعداد 80، خواتین کی 80 اور 185 پولنگ اسٹیشنس مشترکہ رکھی گئی ہیں۔ مجوعی طور پر ضلع بھر میں 1040 پولنگ بوتھ بنائے گئے ہیں مرد بوتھ کی تعداد 541 اور خواتین بوتھ کی تعداد 499 رکھی گئی ہے ایک میونسپل 6 ٹائون کمیٹیز اور 30 یونین کائونسلز پر 715 امیدواروں میں دنگل ہوگا ،مٹیاری ضلع بھر میں 43 امیدوار بلامقابلہ کامیاب ہوگئے ہیں ڈسٹرکٹ کائونسل کے 1 امیدوار فوت ہوچکا ہے ضلع مٹیاری میں 2596 پولیس اہلکار 83 پولیس موبائلز اور 102 رینجرز کے جوان ڈیوٹی پر تعینات ہونگے

بلدیاتی الیکشن، سیہون کی تمام پولنگ اسٹیشنز انتہائی حساس و حساس قرار دے دی گئیں.ایس ایس پی جامشورو عمران قریشی نے پولنگ اسٹیشنز پر سیکیورٹی ہائی الرٹ کرنے کا حکم دے دیا اور کہا کہ سیہون تحصیل کی 35 پولنگ اسٹیشنز انتہائی حساس ہیں، سیہون کی 91 پولنگ اسٹیشنز حساس قرار دی گئی ہیں جہاں پر سیکیورٹی کے سخت انتظامات ہیں،بھان سعیدآباد شہر میں 7 پولنگ اسٹیشنز انتہائی حساس ہیں،سیہون شریف سٹی کی 27 پولنگ اسٹیشنز انتہائی حساس ہیں،تمام پولنگ اسٹیشنز پر پولیس کے ساتھ اسپیشل برانچ اہلکار بھی تعینات ہونگے رینجرز کو بھی اسٹینڈ بائی رکھا گیا ہے، جہاں رینجرز کی ضرورت ہوگی وہاں پر رینجرز کو مقرر کریں گے،امن امان کی صورتحال بہتر بنانے کیلیئے پولیس ہر وقت الرٹ ہوگی،

دادو میں بلدیاتی انتخابات کا دنگل سجنے کو تیار ہے، انتخابات کی تیاریاں مکمل کرلی گئیں سامان کی ترسیل کا عمل جاری ہے، ضلع میں ٹوٹل ووٹرز کی تعداد 9 لاکھ 12 ہزار 472 ہے ،مرد ووٹرز کی تعداد 4 لاکھ 96 ہزار 191 ہے ،خواتین ووٹرز کی تعداد 4 لاکھ 16 ہزار 281 ہے ،دادو میں 638 پولنگ اسٹیشن قائم کئے گئے ہیں الیکشن میں 1425 امیدوارحصہ لے رہے ہیں ۔ الیکشن سے قبل 82 امیدوار بلا مقابلہ کامیاب ہوچکے ہیں ،کامیاب ہونے والوں میں پی پی پی کے 62 پی ٹی آئی 15 آزاد امیدوار 02 سمیت 3 دیگر شامل ہیں،