15 جنوری 2023 کو ہونے والے بلدیاتی انتخابات پہلے سے ہی جمع شدہ کاغذات نامزدگی تحت ہی انتخابات ہونگے – عذره مہیسر

ٹھٹھہ ،باغی ٹی وی( نامہ نگار راجہ قریشی)15 جنوری 2023 کو ہونے والے بلدیاتی انتخابات پہلے سے ہی جمع شدہ کاغذات نامزدگی تحت ہی انتخابات ہونگے ،عوام سوشل میڈیا پر چلنے والی کسی بھی قسم کی افواہوں پر توجہ نہ دیں – عذره مہیسر ڈسٹرکٹ الیکشن کمشنر ٹھٹھہ
تفصیل کے مطابق ڈسٹرکٹ الیکشن کمشنر ٹھٹھہ عذره مہیسر نے اپنے ایک بیان کے تحت عوام کو آگاہ کیا ہے کہ ضلع ٹھٹھہ میں 15 جنوری 2023 کو ہونے والے بلدیاتی انتخابات میں نئے کاغذات نامزدگی وصول نہیں کیئے جا رہے ہیں پہلے ہی تمام الیکشن شیڈول کے مراحل مکمل ہو چکے تھے اور الیکشن کمیشن آف پاکستان کی جانب سے صرف پولنگ منسوخ کی گئی تھی – انہوں نے کہا ہے کہ بلدیاتی انتخابات پہلے سے جمع شدہ پرانے کاغذات نامزدگی کے مطابق ہی ہونگے – ڈسٹرکٹ الیکشن کمشنر عذرہ مہیسر نے کہا کہ عوام سوشل میڈیا پر چلنے والی کسی بھی قسم کی افواہوں پر توجہ ہر گز نہ دیں –

Leave a reply