fbpx

الیکڑانک ووٹنگ مشین کےاستعمال پر شہباز شریف نے اپنا موقف پیش کردیا

الیکڑانک ووٹنگ مشین کےاستعمال پر شہباز شریف نے اپنا موقف پیش کردیا

باغی ٹی وی : مسلم لیگ ن کے صدر شہبازشریف نےالیکڑانک ووٹنگ مشین کےاستعمال کی تجویزمستردکردی.پاکستانی الیکشن کمیشن اسےناقابل عمل قراردےچکاہے،شہبازشریف.ایک فردکی خواہش یاحکم پرایسےاہم قومی کام انجام نہیں پاتے، ان کا کہنا تھا کہ انتخابی اصلاحات کاحساس کام پوری قوم کی منشااور اعتمادسےہوتاہے،عوام کی امنگوں کامحورپارلیمان ہےجسے3سال سےتالا لگایاہواہے،

ان کا کہنا تھا کہ الیکٹرانک ووٹنگ کانظام تمام دنیانےمستردکیا،انتخابی اصلاحات فریقین کی مشاورت اورعوامی رائےسے ممکن ہوتی ہیں،ن لیگ نے2018میں تمام سیاسی جماعتوں کی مشاورت سےتاریخی انتخابی اصلاحات کی تھیں،

شہباز شریف نے کہا کہ ن لیگ نے 2018 میں پی ٹی آئی سمیت تمام سیاسی جماعتوں کی مشاورت سے انتخابی اصلاحات کی تھیں.انتخابی اصلاحات تمام فریقین کی مشاورت، عوام کی رائے کی روشنی اور اتفاق رائے سے ممکن ہوتی ہیں،ہمارے دور میں ہونے والی انتخابی اصلاحات پر کسی کو اعتراض نہیں تھا.سب کے اتفاق رائے کا مظہراور دستخط شدہ انتخابی اصلاحات کی وہ تاریخی دستاویز آج بھی موجود ہے.جس وقت اپوزیشن مثبت تجاویز،میثاق معیشت کی بات کررہی تھی تو این آر او کاشورکرکےان کی توہین کی گئی،

ان کا کہنا تھا کہ ملک کی ساکھ انصاف، شفافیت اور قانون کی حکمرانی سے بہتر ہوتی ہے، الیکٹرانک ووٹنگ مشینوں سے نہیں،انتخابی اصلاحات ہم کرسکتے ہیں،سیاسی مخالفین کو ساتھ لے کر چلنے،ان کی تجاویز کو اپنانے کا حوصلہ ہے،الیکٹرانک ووٹنگ کے بجائےتباہ معیشت،منہگائی،بے روزگاری سے مرتی عوام کی فکر کریں.

جواب چھوڑیں

آپ کا ای میل ایڈریس شائع نہیں کیا جائے گا.