اداکار عمران ہاشمی نے بالی ووڈ کو جعلی انڈسٹری قرارد یا

0
24

بالی ووڈ کے بولڈ اور معروف اداکار عمران ہاشمی نے بالی وڈ فلم انڈسٹری کو جعلی قرار دے دیا۔

باغی ٹی وی : میڈیا رپورٹس کے مطابق ایک انٹرویو کے دوران بالی ووڈ انڈسٹری میں 20 سال گزارنے کے بعد عمران ہاشمی نے بالی وڈ کو جعلی قراردیا-

بالی ووڈ انڈسٹری کو فیک قرار دینے کی وجہ بتاتے ہوئے اداکار نےکہا کہ یہاں ہر کوئی سامنے تو آپ کی تعریف کرتا ہے لیکن پیٹھ پیچھے آپ کو نیچا دکھانےکی کوشش کرتا ہے۔

عمران ہاشمی کا کہنا تھا کہ میں سمجھتا ہوں کہ کسی بھی شخص کی ذاتی زندگی اس کے پیشے سے زیادہ اہم ہونی چاہیئے۔

انہوں نے فلموں میں کام کے علاوہ انڈسٹری کی چکاچوند سے دوری کی وجہ بتاتے ہوئےکہا کہ وہ اپنا وقت شوٹنگ کے علاوہ بالی ووڈ کی کسی بھی سرگرمی میں گزارنا پسند نہیں کرتے بلکہ وہ اپنا زیادہ تروقت اپنے پرانے دوستوں کے ساتھ گزارنے کوترجیح دیتے ہیں جن کا بالی ووڈ انڈسٹری سے کوئی تعلق نہںں اور وہ ان کی تنقید خندہ پیشانی سے سنتے ہیں۔

اداکارکا کہنا تھا کہ کام کے بعد انڈسٹری سے دور رہنے کی وجہ سے انہیں اپنی سنجیدگی کو برقرار رکھنے میں بھی مدد ملتی ہے-

Leave a reply