ارطغرل کے مرکزی کردار انجن التان دوزیتان نے 3 بیمار پاکستانی بچوں کی خواہش پوری کردی

0
36

مسلمانوں کی اسلامی فتوحات پر مبنی شہرہ آفاق سیریز دیریلیش ارطغرل میں بہادر جنگجو کا کردار ادا کرنے والے تُرک اداکار انجن التان دوزیتان نے 3 پاکستانی بچوں کی خواہش کو پورا کردیا۔

باغی ٹی وی : مسلمانوں کی اسلامی فتوحات پر مبنی شہرہ آفاق ترک سیریز ارطغرل غازی میں مرکزی کردار ادا کرنے والے اداکار انجن التان دوزیتان کی آج 18 اگست کو پاکستان آمد کی افواہیں زیر گردش تھیں انجن التان دوزیتان نے مداحوں کی بھر پور خواہش پر پاکستان آنے کی خواہش کا اظہار کیا تھا تاہم انہوں نے یہ نہیں بتایا تھا کہ وہ کب تک پاکستان کا دورہ کریں گے۔

یہ افواہیں سامنے آرہی تھیں کہ ارطغرل کا کردار ادا کرنے والے اداکار بیمار بچوں کی خواہش پر ان سے ملاقات کے لیے پاکستان پہنچ گئے ہیں افواہوں میں یہ بھی کہا گیا کہ پاکستان میں اپنے قیام کے دوران انجن التان دوزیتان مختلف سماجی و سیاسی شخصیات سے ملاقات بھی کریں گے۔

پاکستان کے یوم آزادی کے موقع پر اداکار انجن نے پاکستانی قونصل جنرل بلال خان پاشا کی دعوت پر ترکی کے شہر استنبول میں واقع پاکستانی قونصل خانے کا دورہ کیا تھا اور پاکستانی قوم کو جشن آزادی کی مبارک باد بھی دی تھی۔ اورکہا تھا کہ وہ جلد پاکستان میں ہوں گے تاہم انہوں نے اپنی آمد کے وقت سے متعلق کوئی تفصیلات بیان نہیں کی تھیں۔

جس کے بعد گزشتہ دنوں میک اے وش نامی فلاحی تنظیم نے اپنے سوشل میڈیا اکاؤنٹس پر ایک ویڈیو جاری کی تھی جس می انجن نے کہا تھا کہ ہیلو پاکستان میں 18 اگست کو میک اے وش چلڈرن سے ملاقات کروں گا-

ویڈیو کے کیپشن میں میک اے وش نے لکھا تھا کہ پاکستان میں پہلی مرتبہ نامور ترک اداکار اور ترک ڈرامے ارطغرل غازی کے مرکزی کردار انجن التان 3 شدید بیمار میک اے وش بچوں سے ملاقات کریں گے جو اپنے پسندیدہ ہیرو سے ملنے کی خواہش رکھتے ہیں۔

ساتھ ہی یہ بھی لکھا گیا تھا کہ ہم اس ملاقات کو ممکن بنانے کے لیے میک اے وش ترکی کی مدد اور تعاون پر ان کے مشکور ہیں۔

پھر گزشتہ روز میک اے وش نے اپنی ایک اور پوسٹ میں بتایا تھا کہ انجن 18 اگست بروز منگل کوشام 6 بجے میک اے وش پاکستان کے فیس بک بچوں پر ان سے ملاقات کی خواہش رکھنے والے 3 بچوں سے لائیو ملاقات کریں گے-

تاہم کچھ میڈیا رپورٹس گردش میں تھیں کہ ارطغرل غازی کے مرکزی کردار انجن بیمار بچوں کی خواہش پر ان سے ملاقات کے لیے پاکستان پہنچ گئے ہیں اور شام چھ بجے میک آ وش بچوں سے ملاقات کریں گے مگر یہ ملاقات فیس بک لائیو ویڈیو میں ہوئی۔

کراچی میں ہونے والی تقریب کی میزبانی عائشہ عمر نے کی جبکہ ہمایوں سعید سمیت متعدد معروف افراد بھی شریک تھے جبکہ ترک اداکار نے لائیو ویڈیو پر ان سے ملاقات کی۔

اس موقع پر ان بچوں نے ارطغرل ڈرامے جیسے ملبوسات کو زیب تن کیا ہوا تھا بچوں نے ڈرامے کے بارے میں اور ڈرامے کے اداکاروں کے لئے اپنی رائے اور محبت کا کا اظہار کیا جبکہ ان کی جانب سے انجن التان کو تلوار کا تحفہ بھی دیا گیا جو ترک قونصل جنرل نے ان کی جانب سے وصول کیا۔


میک اے وش فیس بُک ویڈیو سکرین شاٹس
انجن التان نے کہا کہ میں پاکستان سے ملنے والی محبت پر بہت خوش ہوں جبکہ ارطغرل کا کردار بہت مشکل ضرور تھا مگر زبردست بھی تھا۔

انہوں نے مزید کہا کہ وہ بہت جلد پاکستان آکر مداحوں سے ملاقات کریں گے، جبکہ عائشہ عمر نے کہا کہ ممکنہ طور پر ترک اداکار آئندہ ماہ پاکستان آسکتے ہیں۔

تقریب کے دوران ہمایوں سعید نے کہا کہ انہوں نے ارطغرل کی تمام اقساط دیکھی ہیں اور اس کی وجہ انجن التان کی اداکاری ہے، جس سے وہ بہت متاثر ہوئے ہیں

یاد رہے کہ میک اے وش پاکستان نامی فلاحی تنظیم میک اے وش فاؤنڈیشن انٹرنیشنل سے وابستہ ہے جو شدید بیمار بچوں کی خواہشات پوری کرنے کے لیے وقف ہے۔

واضح رہے کہ دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔

پہلے سیزن کی کہانی میں تیرھویں صدی کا زمانہ دکھایا گیا ہے اور قائی قبیلہ منگولوں کے حملوں سے بچنے کے لیے نئی منزل تلاش کرتا ہے جس کے لیے قبیلے کے سردار کا بیٹا ارطغرل آگے بڑھ کر کردار ادا کرتا ہے-

اسلامی فتوحات پر مبنی شہرہ آفاق تُرک سیریز ’ارطغرل غازی‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے

ترک اداکار انجن التان 18 اگست کو پاکستان آرہے ہیں؟

تُرک فنکاروں کی جانب سے پاکستانیوں کے لئے پیغام

ارطغرل ڈرامے کی کی مقبولیت میں مزید اضافہ، ایک اور سنگ میل عبور ہو گیا

وزیر اعظم کے چہیتے افراد ارطغرل ڈرامے کے نام پر پی ٹی وی کولوٹ رہے ، یوٹیوب چینل…

ارطغرل اردو کی بڑی کامیابی، دنیا میں سب سے زیادہ دیکھے جانے والے چینلز میں تینتیسویں نمبر پر آگیا

’’ارطغرل غازی‘‘ میں مرکزی کردار ادا کرنے والے ’’ارطغرل‘‘ کون ہیں ؟

Leave a reply