fbpx

ٹی ٹوئنٹی ورلڈ کپ: انگلینڈ کے ایمپائرمائیکل گف پرپابندی عائد

ٹی ٹوئنٹی ورلڈکپ : بائیو سکیور ببل کی خلاف ورزی پر انٹرنیشنل کرکٹ کونسل (آئی سی سی) نے انگلینڈ کے امپائرمائیکل گف پر 6 روز کی پابندی عائد کردی گئی۔

باغی ٹی وی : غیر ملکی میڈیا کے مطابق جمعہ کے روز مائیکل گف بائیو سکیور ببل میں ہوٹل سے باہر نکلے اور بغیر اجازت لوگوں سے ملاقات کی جس کے بعد انہیں فوری طور پر قرنطینہ کردیا گیا قرنطینہ کے دوران مائیکل گف کا روزانہ کوویڈ ٹیسٹ کیا جا رہا ہے مائیکل گف نے پابندی کے باعث گزشتہ اتوار بھارت اور نیوزی لینڈ کے درمیان میچ میں امپائرنگ کے فرائض انجام نہیں دیئے، ان کی جگہ میریس ایراسمس نے اس میچ میں امپائرنگ کی۔

رپورٹس کے مطابق آئی سی سی نے انگلینڈ کے امپائر مائیکل گف پرسخت ترین بائیو سکیور ببل توڑنے پر 6 روز کی پابندی عائد کی متحدہ عرب امارات میں جاری ٹی ٹوئنٹی ورلڈکپ میں یہ بائیو سکیور ببل کی پہلی خلاف ورزی ہے جو کھلاڑی کے بجائے آفیشل کی جانب سے کی گئی ہے-

میڈیا رپورٹس کے مطابق انٹرنیشنل مقابلوں میں بہترین تصور کیے جانے والے امپائر مائیکل گف کو آئی سی سی بائیو سکیور کمیٹی نے 6 روز کے لیے قرنطینہ کردیا ہے جب کہ ان کی جانب سے بائیو سکیور ببل کی خلاف ورزی کی مزید تحقیقات کی جائیں گی قرنطینہ کی مدت مکمل ہونے کے بعد مائیکل گف اپنی ذمہ داریاں دوبارہ سنبھالیں گے تاہم انہیں آئی سی سی کی جانب سے مزید پابندیوں کا سامنا کرنا پڑسکتا ہے جس میں انہیں ٹی ٹوئنٹی کے سیمی فائنل کی امپائرنگ سے ہاتھ دھونا پڑسکتا ہے۔

واضح رہے کہ 1998 سے 2003 تک یارک شائر سے کھیلنے والے سابق کرکٹر مائیکل گف نے 2013 میں انگلینڈ اور آسٹریلیا کے درمیان ٹی ٹوئنٹی میچز سے اپنی امپائرنگ کا آغاز کیا اور اسی سال ستمبر میں ان دونوں ٹیموں کے درمیان ون ڈے میچز سے بھی امپائرنگ شروع کی جب کہ مائیکل گف نے 2016 میں زمبابوے اور نیوزی لینڈ کے درمیان کھیلے جانے والے ٹیسٹ میچ سے اپنی ٹیسٹ امپائرنگ میں ڈیبیو کیا۔

Facebook Notice for EU! You need to login to view and post FB Comments!