انگلینڈ پاکستان پہلا ٹیسٹ ، پاکستان فتح کے قریب تر

مانچسٹر :انگلینڈ پاکستان پہلا ٹیسٹ ، پاکستان فتح کے قریب تر ،اطلاعات کے مطابق مانچسٹر ٹیسٹ: 277 رنز کے ہدف کے تعاقب میں انگلینڈ نے آغاز تو اچھا کیا مگرآخری اطلاعات کے مطابق انگلینڈ کی ٹیم کی پے درپے وکٹوں کے گرنے کے بعد فتح پاکستان کے قریب ترہوگئی ہے

اس سے پہلے مانچسٹر ٹیسٹ کی دوسری اننگز میں پاکستانی ٹیم 169 رنز پر ڈھیر ہو گئی۔

انگلینڈ کے خلاف پہلے ٹیسٹ میچ کے چوتھے روز پاکستان ٹیم اپنی دوسری اننگز میں 169 رنز پر آؤٹ ہو گئی جس کے بعد انگلینڈ کو ٹیسٹ میچ جیتنے کے لیے277 رنز درکار ہیں۔

پاکستان نے چوتھے دن کھیل کا آغاز 8 وکٹوں کے نقصان پر 137 رنز سے کیا اور آخری دو وکٹوں نے 32 قیمتی رنز جوڑے۔

دن کے آغاز میں ہی یاسر شاہ نے جارحانہ اننگز کھیلی لیکن 158 رنز کے مجموعے پر وہ 33 قیمتی رنز بنا کر وکٹوں کے بیچھے آؤٹ ہو گئے۔ نسیم شاہ 4 رنز بنا کر آؤٹ ہوئے جب کہ محمد عباس 3 رنز پر ناٹ آؤٹ رہے۔

انگلینڈ کی جانب سے دوسری اننگز میں اسیورٹ براڈ نے تین، کرس ووکس اور بین اسٹوکس نے دو، دو کھلاڑیوں کو آؤٹ کیا، جوفرا آرچر اور ڈوم بیس کے حصے میں ایک ایک وکٹ آئی۔

مانچسٹر ٹیسٹ کی پہلی اننگز میں پاکستانی ٹیم نے شان مسعود کے شاندار 156 رنز اور بابراعظم کے 69 رنز کی بدولت 326 رنز بنائے تھے جس کے جواب میں انگلش ٹیم پہلی اننگز میں 219 رنز پر ڈھیر ہو گئی تھی اور اس طرح پاکستان کو انگلینڈ پر پہلی اننگز میں 107 رنز کی سبقت حاصل ہو گئی تھی۔

جواب چھوڑیں

آپ کا ای میل ایڈریس شائع نہیں کیا جائے گا.