fbpx

انگلینڈکی ٹیم کےدورہ پاکستان سےملک کا نام روشن ہوگا:وسیم خان

لاہور:انگلینڈکی ٹیم کےدورہ پاکستان سےملک کا نام روشن ہوگا، ان توقعات کا اظہار کرتےہوئے انٹرنیشنل کرکٹ کونسل کے جنرل منیجر وسیم خان نے کہا ہے کہ اگلے ماہ انگلینڈ کی ٹیم کے دورہ پاکستان سے ملک کا نام روشن ہوگا۔

وسیم خان کا کہنا تھا کہ آسٹریلوی ٹیم نے پاکستان میں 2 ماہ گزارے اور انھیں اچھا لگا۔ پوری دنیا آسٹریلیا کے دورہ پاکستان پر نظریں رکھ کر بیٹھی ہوئی تھی۔وسیم خان نے کہا کہ دنیا کو پتا لگ گیا ہے کہ پاکستان غیر ملکی ٹیموں کیلئے محفوظ ملک ہے۔

 

پی سی بی کے سابق سی ای او کا کہنا تھا کہ باہر سے بیٹھ کر جب پاکستان کرکٹ کو دیکھتا ہوں توخوشی ہوتی ہے کہ اس میں بہتری آتی جا رہی ہے۔انھوں نے مزید کہا کہ پاکستان میں انڈر19 جونئیر لیگ اور ویمن پی ایس ایل کے پروجیکٹ کا سن کرخوشی ہوئی،پاکستان کےساتھ دل دھڑکتا ہےاوردعائیں پاکستان کےساتھ ہی رہتی ہیں۔

دوسری طرف آج پاکستان نے نیدرلینڈ کے خلاف اپنے پہلے ایک روزہ میچ میں بیٹنگ کرتےہوئے جیت کے لئے 315 رنز کا ہدف دے دیا ہے۔روٹر ڈیم میں کھیلے جارہے ون ڈے میچ میں پاکستان نے نیدر لینڈز کے خلاف مقررہ 50 اوورز میں 314 رنز بنائے۔

پاکستان کی بیٹنگ
پاکستان نے ٹاس جیت کر پہلے بیٹنگ کا فیصلہ کیا تو اوپننگ کے لیے فخر زمان کے ساتھ امام الحق میدان میں اترے۔10 رنز کے مجموعی اسکور پر امام الحق کی صورت میں پاکستان کا پہلا نقصان اٹھانا پڑا۔ انہوں نے صرف 2 رنز بنائے۔

 

فخر زمان اور ون ڈاؤن پوزیشن پر آنے والے بابر اعظم نے 168 رنز کی شراکت قائم کی۔ 74 رنز بنانے کے بعد بابر اعظم آؤٹ ہوئے تو محمد رضوان میدان میں اترے۔196 رنز پر فخر زمان بھی پویلین لوٹ گئے وہ اپنی 7ویں سنچری اسکور کرنے کے بعد 109 رنز بناکر آؤٹ ہوئے۔

پاکستان کئ چوتھی وکٹ 212رنز پر گری ، محمد رضوان 14 رنز بناسکے، 243 رنز پر خوشدل شاہ بھی اپنی وکٹ گنوا بیٹھے،انہوں نے 21 رنز بنائے۔

پاکستان کی چھٹی وکٹ 266 رنز پر گری، محمد نواز صرف 4 رنز ہی بناسکے۔ جس کے بعد شاداب خان اور آغا سلمان نے تیز رتفتاری سے اننگز کو آگے بڑھایا اور مقررہ 50 اوورز میں 314 رنز بنائے۔شاداب خان 28 گیندوں پر 48 جب کہ سلمان آغا نے 16 گیندوں پر 27 رنز کی دھواں دھار اننگز کھیلی اور آؤٹ نہیں ہوئے۔