’’ارطغرل غازی‘‘ میں ’’ارطغرل ‘‘ کی والدہ کا کردار نبھانے والی اداکارہ کون ہیں؟

ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ ویسے تو متعدد ممالک میں نشر کیا جا چکا ہے لیکن اس نے پاکستان میں مقبولیت کے نئے ریکارڈ قائم کردئیے ہیں پاکستان میں اس ڈرامے کولوگ نہ صرف بے تحاشہ پسند کررہے ہیں بلکہ پاکستانی سوشل میڈیا اس کے مکالموں اور کرداروں سے بھرا پڑا ہے

باغی ٹی وی : دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔

’’ارطغرل غازی‘‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

پہلے سیزن کی کہانی میں تیرھویں صدی کا زمانہ دکھایا گیا ہے اور قائی قبیلہ منگولوں کے حملوں سے بچنے کے لیے نئی منزل تلاش کرتا ہے جس کے لیے قبیلے کے سردار کا بیٹا ارطغرل آگے بڑھ کر کردار ادا کرتا ہے اس ڈرامے کا ہر کردار ہی اپنے آپ میں انتہائی اہمیت کا حامل ہے

’’ارطغرل غازی‘‘ میں ’’ارطغرل ‘‘ کی والدہ کا کردار نبھانے والے اداکار کون ہیں؟

’’ارطغرل ‘‘ کی والدہ حائمہ حاتون بھی اس ڈرامے کے اہم ترین کرداروں میں سے ایک ہیں جسے نبھانے کے لئے تُرک اداکارہ اور اسے خولیا دارجان کی خدمات حاصل کی گئیں انہوں نے اس کردار کو نہایت خوبصورتی سے ادا کیا

خولیا دارجان ڈرامے میں ارطغرل اور گلدارو کی ماں کا کردار ادا کررہی ہیں۔ اس سلسلے میں انہیں سلیمان شاہ کی اہلیہ اور عثمان غازی اول کی دادی کے طور پر دیکھایا گیا ہے ۔خولیا دارجان 27 اپریل 1951 کو ترکی کے شہر ازمیر میں پیدا ہوئی تھیں۔ وہ 1960 کی دہائی سے ترک ڈرامہ انڈسٹری سے وابستہ ہیں۔ 69 سالہ اداکارہ نے 16 سال کی عمر میں شوبز میں قدم رکھا ان کا کیریئر بہت وسیع ہے اور ارطغرل غازی ان کے بہترین کاموں میں سے ایک ہے۔

انہوں نے 1970 میں مشہور فلمسٹارظنجو قورل سے شادی کی تھی جن کا انتقال ستمبر میں کینسر جیسی موذی بیماری کے باعث 2005 میں ہوا اور اس جوڑے کے 2 بچے ہیں۔

یہاں اس کی کچھ تصاویر ہیں جو ان کے ایک الگ پہلو سے روشناس کرواتی ہیں جسے دیکھنے والوں نے اسکرین پر نہیں دیکھا۔

واضح رہے کہ اسلامی فتوحات کی تاریخ پر مبنی ترکی کے شہرہ آفاق ڈرامے ’دیریلیش ارطغرل‘ جسے ترکی کا ’گیم آف تھرونز‘ بھی کہا جاتا ہے اس وقت دنیا بھر میں دیکھا جا رہا ہے اس ڈرامے کو 13 ویں صدی میں اسلامی فتوحات کے حوالے سے انتہائی اہمیت حاصل ہے۔

دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے۔

ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے

’’ارطغرل غازی‘‘ میں ’’سلیمان شاہ ‘‘ کا کردار نبھانے والے اداکار کون ہیں؟

’’ارطغرل غازی‘‘ میں ارطغرل کی بیوی کا کردار ادا کرنے والی اداکارہ کون ہیں؟

’’ارطغرل غازی‘‘ میں مرکزی کردار ادا کرنے والے ’’ارطغرل‘‘ کون ہیں ؟

ارطغرل میں کلہاڑے والا ترگت الپ کون ہے ؟

ارطغرل میں بامسی کا کردار ادا کرنے والے اداکارکون ہیں؟