Home›پاکستان›اگرپاکستان میں ارطغرل غازی جیسا مواد بنانے کی کوشش کریں گے تو اس پر پابندی لگ جائے گی اریبہ حبیب

اگرپاکستان میں ارطغرل غازی جیسا مواد بنانے کی کوشش کریں گے تو اس پر پابندی لگ جائے گی اریبہ حبیب

اکتوبر 18, 2020

پاکستانی ڈرامہ انڈسٹری کی اُبھرتی اداکارہ اریبہ حبیب کا کہنا ہے کہ اگر پاکستا ن میں ارطغرل غازی جیسا ڈرامہ بنایا گیا تو اس پر پابندی لگ جائے گی۔

باغی ٹی وی : ماڈل واداکارہ اریبہ حبیب نے ایک یوٹیوب چیٹ شو میں بطور مہمان شرکت کی اس دوران انہوں نے پاکستان میں نہایت مقبول ترکش مواد سے متعلق بات کرتے ہوئے کہا کہ ’آج کل پاکستان میں تُرک ڈرامہ ارطغرل بہت دیکھا جا رہا ہے ہر کوئی ڈرامہ کو پسند کر رہا ہے پاکستانی شائقین ارطغرل کی کاسٹ کو پسند کر رہے ہیں اور ترک اداکاروں کو پاکستان کے بڑے بڑے برانڈ میں کام بھی مل رہا ہے۔

اریبہ حبیب کا پاکستان کے شائقین کی دلچسپی اور نظریئے سے متعلق بات کرتے ہوئے کہنا تھا کہ ارطغرل میں اسلام کے بارے میں پاکستانی معاشرہ ڈراموں سے متعلق کچھ مخصوص مواد کے علاوہ دیکھنا پسند نہیں کرتا ہے پاکستان میں مختلف مواد کو قبول نہیں کیا جاتا ہے۔
https://www.instagram.com/p/CF9xGOWHs2J/?utm_source=ig_embed
انہوں نے ڈرامہ سیریل ارطغرل کی مثال د یتے ہوئے کہا کہ ’ارطغرل ڈرامے کی تعریف ہر کوئی کر رہا ہے لیکن اُس ڈرامے میں جیسا لباس اور ڈائیلاگز، سٹائل اور لفظ ہیں اس قسم کا مواد اگر ہم بنانے کی کوشش کریں گے تو اس پر پابندی لگ جائے گی۔یہ ڈرامہ بہت مختلف ہے پُرانا زمانہ ، اسلام کے اوپر اس کی سٹوری یہ سب کچھ بہت مختلف ہے ایسی اسٹوریز ہمارے پاس نہیں ہیں لیکن اگر اس قسم کا مواد پاکستان میں بنے گا تو اس پر پابندی لگا دی جائے گی پاکستان میں مختلف مواد کو قبول نہیں کیا جاتا ہے۔

واضح رہے کہ ترک ڈرامہ ’ارطغرل غازی‘ دنیا کے متعدد ممالک میں نشر ہونے کے بعد اب پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے جس نے دنیا بھر سمیت پاکستان میں مقبولیت کے نئے ریکارڈ قائم کئے ہیں پاکستان میں تو ارطغرل ڈرامے نے شائقین کو اپنا دیوانہ بنا دیا ہے-

مذکورہ سیریزاور اس کی کاسٹ بالخصوص مرکزی کردار پاکستان میں مقبولیت کے نئے ریکارڈز قائم کرچکے ہیں اور نہ صرف ڈرامے بلکہ اس کے کرداروں کو بھی پاکستان میں خوب شہرت حاصل ہوئی ہے خاص طور پر مرکزی کرداروں کو-

پاکستانی عوام ڈرامے کی کہانی اور کرداروں سے اپنے جذبات اور محبت کا اظہار بھی کررہی ہے خاص طور ڈرامے کے مرکزی اداکاروں ارطغرل غازی اوت حلیمہ سلطان کے چاہنے والوں کی تعداد میں روز بروز اضافہ ہورہا ہے ڈرامہ پاکستان میں اتنا زیادہ مقبول ہوا کہ خود ڈرامے کے ڈائریکٹر، پروڈیوسر اور اداکار بھی حیران رہ گئے۔

اس ڈرامے کی مقبولیت کو دیکھتے ہوئے حلیمہ سلطان کا کردار ادا کرنے والی ترک اداکارہ ایسرا بلجیک اور ارطغرل غازی کا کردار ادا کرنے والے اداکار انجین التان پاکستان میں ایمبیسیڈر مقرر ہو چکے ہیں –

ڈرامے کے اداکار متعدد بار اپنی سوشل میڈیا پوسٹس میں پاکستان آنے کی خواہش کا اظہار کر چکے ہیں تاہم پاکستانی عوام اپنے پسندیدہ اداکاروں کا پاکستانی آنے کاس بے صبری سے انتظار کر رہے ہیں-