’ارطغرل‘ میں روشان کا کردار ادا کرنے والے اداکارکون ہیں؟
پاکستان میں کئی سالوں سے مختلف ڈراموں کو اردو ڈبنگ کے ساتھ چینلز پر نشر کیا جارہا ہے مگر جو مقبولیت ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے ملی اس کی مثال نہیں ملتی۔
باغی ٹی وی : دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔
’’ارطغرل غازی‘‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے پہلے سیزن کی کہانی میں تیرھویں صدی کا زمانہ دکھایا گیا ہے اور قائی قبیلہ منگولوں کے حملوں سے بچنے کے لیے نئی منزل تلاش کرتا ہے جس کے لیے قبیلے کے سردار کا بیٹا ارطغرل آگے بڑھ کر کردار ادا کرتا ہے اس ڈرامے کا ہر کردار ہی اپنے آپ میں انتہائی اہمیت کا حامل ہے
’ارطغرل‘ میں روشان کا کردار ادا کرنے والے اداکارکون ہیں؟
ارطغرل غازی میں بامسی بئیریک اور تورگت الپ کے علاوہ روشان بھی ارطغرل کے انتہائی قریبی دوستوں میں شامل ہیں اور اس کہانی کا ایک اور مرکزی کردار ہیں جسے اداکار جاوید چتین گونر نے ادا کیا ہے-
روشان ،تورگت الپ اور بامسی بیئرک کے ساتھ مل کر ارطغرل کے تین الپس میں سے ایک کا کردار ادا کرتا ہے ، جو ان کے سگے بھائی بھی ہیں ۔
جاوید چتین گونر 21 فروری 1986 کو استنبول میں پیدا ہوئے- جاوید کی زندگی بہت مشکل رہی ہے اور تعلیمی اخراجات کے لیے معمولی کام کئے 6 سال کی عمر میں پانی بیچ کر کام کرنا شروع کیا تھا ،انہوں نے کمانڈر ، کلرک ، بیکری اپرنٹس شپ ، نائٹ چوکیدار ، بیکری اپرنٹیس ، یہاں تک کہ تیل اور آٹے کے تھوک فروشوں میں بھی ایک پورٹر کی حیثیت سے کام کیا-
2000 میں ، ان کی والدہ کینسر میں مبتلا ہوگئیں۔ انہوں نے 2003 میں کرتولوؤ ہائی اسکول سے گریجویشن کیا تھا۔ جاوید نے میمر سنن یونیورسٹی کے فائنل آف فائن آرٹس کی استنبول اسٹیٹ کنزرویٹری کے تھیٹر کے شعبہ میں تعلیم حاصل کرنا شروع کی۔
جاوید نے یونیورسٹی کے پہلے سال 2003 میں پہلے کمرشل میں کام کیا اور اسی سال ایک ڈرامے سے اداکاری کا آغاز کیا۔
اداکار نے 2014 میں ارطغرل میں روشان کا کردار کیا، انہوں نے 2010 میں پہلی شادی کی تھی مگر 2 سال بعد ہی علیحدگی ہوگئی، اس شادی سے ان کا ایک بیٹا بھی ہے جبکہ 31 جولائی 2017 کو خدیجہ گیزم سے دوسری شادی کی-
دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے۔
ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے
’’ارطغرل غازی‘‘ میں ’’سلیمان شاہ ‘‘ کا کردار نبھانے والے اداکار کون ہیں؟
’’ارطغرل غازی‘‘ میں ’’ارطغرل ‘‘ کی والدہ کا کردار نبھانے والی اداکارہ کون ہیں؟
’’ارطغرل غازی‘‘ میں ارطغرل کی بیوی کا کردار ادا کرنے والی اداکارہ کون ہیں؟
’’ارطغرل غازی‘‘ میں مرکزی کردار ادا کرنے والے ’’ارطغرل‘‘ کون ہیں ؟
