fbpx

یورو کپ فائنل سے پہلے ہی ریکارڈ قائم ہو گیا

یورو کپ فائنل سے پہلے ہی ریکارڈ قائم ہو گیا

باغی ٹی وی : کورونا کی تباہ کاریوں کے بعد اگر کھیل کے میدان آباد ہوئے ہیں تو اب سارے ریکارڈ ٹوٹ رہے ہیں اور اگلی پچھلی کسریں پوری ہورہی ہیں‌. یوروکپ فٹ بال کے لیے کئی ایک ریکارڈ رقم ہو رہی ہیں. برطانوی میڈیا کے مطابق مختلف ویب سائٹس پر فائنل میچ کی ٹکٹ کی فروخت میں 180 گنا اضافہ ہوا ہے، میچ کا ایک ٹکٹ 54 ہزار پونڈ میں فروخت ہونے کا انکشاف ہوا ہے، فٹبال میچ کے ایک ٹکٹ کی اصل قیمت 295 پونڈ ہے۔

یوئیفا کی سرکاری ویب سائٹ پر میچ کے تمام ٹکٹ پچھلے ہفتے فروخت ہوچکے ہیں،انگلینڈ اور اٹلی کے درمیان یوروکپ فٹبال کا فائنل اتوار کو ومبلے میں ہوگا۔

واضح رہے کہ گذشتہ روز انگلینڈ اور ڈنمارک کے درمیان فیصلہ کن میچ 1-1 سے برابر رہا ، میچ کا فیصلہ اضافی ٹائم میں ہوا، جہاں انگلش کپتان نے گول کرتے ہوئے اپنی ٹیم کو فتح دلائی ۔

1966 کے بعد انگلینڈ کی ٹیم کسی بڑے فٹ بال ایونٹ کے فائنل میں پہنچی ہے۔ یورو کپ کا فائنل اتوار کو رات 12 بجے انگلینڈ اور اٹلی کے درمیان ہوگا