‘کرونا سےبھی زیادہ خطرناک وبا سےمتعلق ماہرین نےخبردارکردیا

0
37

جنیوا: ‘کرونا سے بھی زیادہ خطرناک وبا’ سے متعلق ماہرین نے خبردار کر دیا ا،طلاعات کے مطابق کرونا وائرس سے بھی زیادہ خطرناک وبا سے متعلق عالمی ادارہ صحت کے ماہرین نے خبردار کر دیا۔

تفصیلات کے مطابق عالمی ادارہ صحت کے ماہرین نے خبردار کیا ہے کہ کرونا کا سامنا کرنے کے باوجود ہم مجموعی طور پر کسی بھی اگلی عالمی وبا کے لیے بالکل تیار نہیں اور یہ بات اگلی کسی بھی وبا کو زیادہ خطرناک بنا سکتی ہے۔

گلوبل پریپیئر ڈنیس مانیٹرنگ بورڈ (جی پی ایم بی) کی رپورٹ میں کرونا کے پھیلاؤ روکنے کے لیے پوری دنیا میں کیے جانے والے اقدامات کو ناکافی اور غیر تسلی بخش قرار دیا گیا ہے۔

رپورٹ میں کہا گیا ہے کہ ماہرین نے ابتدائی دنوں میں خبردار کیا تھا کہ کرونا وائرس کی بیماری بہت جلد عالمی وبا بن سکتی ہے لیکن اس کے باوجود بیشتر ملکوں نے اس تنبیہ کو نظر انداز کیے رکھا یہاں تک کہ ان ملکوں میں کرونا کا پھیلاؤ قابو سے باہر ہوگیا۔

ماہرین نے کہا کہ اگر یہی رویہ رہا تو اگلی کوئی بھی عالمی وبا کرونا کے مقابلے میں زیادہ خطرناک اور جان لیوا ثابت ہوسکتی ہے۔

واضح رہے کہ گلوبل پریپیئر ڈنیس مانیٹرنگ بورڈ (جی پی ایم بی) عالمی ادارہ صحت کے ماتحت ادارہ ہے۔اس ادارے کی جانب سے جاری کی گئی رپورٹ کا عنوان اے ورلڈ ان ڈس آرڈر ( بے ترتیب دنیا) ہے۔ یہ اپنی نوعیت کی دوسری رپورٹ ہے جبکہ اس سلسلے کی پہلی رپورٹ گزشتہ سال منظر عام پر آئی تھی۔

Leave a reply