fbpx

چیئر مین نیب کی مدت ملازمت میں توسیع:اشارے ملنا شروع ہوگئے

لاہور: چیئر مین نیب کی مدت ملازمت میں توسیع:اشارے ملنا شروع ہوگئےاطلاعات کے مطابق اہم وفاقی وزیرنے چیئر مین نیب جسٹس (ر) جاوید اقبال کی مدت ملازمت میں توسیع کا عندیہ دیدیا۔

ایک نجی ٹی وی میں گفتگو کرتے ہوئے وفاقی وزیر قانون کا کہنا ہے کہ چیئر مین نیب جسٹس (ر) جاوید اقبال کو ابھی ایکسٹینشن دینے کے حوالے سے حتمی فیصلہ نہیں ہوا، توسیع دینے کے حوالے سے بات ضرور ہو رہی ہے۔

اپنی بات کو جاری رکھتے ہوئے ان کا کہنا تھا کہ وزیراعظم اوراپوزیشن لیڈرکے درمیان انڈرسٹینڈنگ کے علاوہ قانون میں ترمیم آرڈیننس کے ذریعے بھی ہو سکتی ہے، قانون کے حوالے سے ہفتے تک فیصلہ ہوجائے گا۔

وفاقی وزیر قانون کا کہنا تھا کہ چیئرمین نیب کے حوالے سے مشاورت ہو گی، چیئرمین کے حوالے سے ایکٹ آف پارلیمنٹ ضرورآئے گا۔ جسٹس (ر) جاوید اقبال کی پرفارمنس بہت اچھی ہے، چیئر مین کے حوالے سے آئندہ چند دنوں میں فیصلہ ہوجائے گا۔

فروغ نسیم نے اپنی بات کو جاری رکھتے ہوئے کہا کہ نیب کے پراسیکیوٹرجنرل اصغر حیدر بہت زبردست کام کر رہے ہیں، پراسیکیوٹراصغرحیدرایکسٹنشن نہیں لینا چاہ رہے تھے۔