فواد خان کے ہاں تیسرے بچے کی پیدائش پر عدنان صدیقی کی مبارکباد

0
27

پاکستان شوبز انڈسٹری کے ورسٹائل اور عالمی شہرت یافتہ اداکار فواد خان کے گھر تیسرے بچے کی پیدائش ہوئی-

باغی ٹی وی : گزشتہ روز سے میڈیا پر خبریں زیرگردش ہیں کہ اداکار فواد خان اور ان کی اہلیہ صدف کے گھر تیسرے بچے کی پیدائش ہوئی ہے اور صدف نے بیٹی کو جنم دیا ہے، تاہم اس حوالے سے انہوں نے اب تک خود کسی سوشل میڈیا اکاؤنٹ پر باضابطہ اعلان نہیں کیا اور نہ ہی کسی قسم کی کوئی تصویر سامنے آئی نہ ہی ابھی تک اس خبر کی کوئی تردید یا تصدیق کی گئی ہے البتہ ان کے مداحوں کی جانب سے چلائے جانے والے سوشل میڈیا اکاؤنٹس پر مبارکباد کا سلسلہ جاری ہے۔

جہا ں فود خان کے مداحوں نے اداکار کو بیٹی کی پیدائش کی مبارکباد دی وہیں اداکار عدنان صدیقی نے بھی ننھی پری کے لئے نیک تمناؤں کا اظہار کیا اورعدنان صدیقی کا پیغام دیکھنے کے بعد اب اس خبر کی تصدیق ہوگئی ہے کہ فواد خان کے ہاں تیسرے بچے کی پیدائش ہوئی ہے۔


سماجی رابطے کی ویب سائٹ ٹوئٹر پر عدنان صدیقی نے فواد خان اور اُن کی اہلیہ صدف کو تیسرے بچے کی پیدائش پر مبارکباد دیتے ہوئے لکھا کہ آپ کے ہاں تیسرے بچے کی پیدائش ہم سب کے لیے بہت بڑا خوشی کا موقع ہے-

عدنان صدیقی نے لکھا کہ آپ کے ہاں بچے کی پیدائش اُمید اور اللہ تعالیٰ کی آپ پر رحمت اور نعمتوں کی علامت ہے۔

اداکار نے فواد خان اور اُن کی اہلیہ کو ایک بار پھر والدین بننے پر دُعا دیتے ہوئے لکھا کہ ’یہ بچہ آپ کی زندگی محبت اور خوشیوں سے بھر دے۔

واضح رہے فواد خان نے اپنی دوست صدف سے 2005 میں شادی کی تھی جس سے ان کے دو بچے ہیں، بیٹے کا نام ایان اور بیٹی کا نام ایلائنا ہے اب ان کے ہاں تیسرے بچے کی پیدائش ہوئی ہے جس کا نام اب تک نہیں رکھا گیا ہے-

شنیرا اکرم 8 سالہ بچے کی آنکھوں دیکھی دُکھ بھری کہانی سناتے ہوئے آبدیدہ ہو گئیں

حرا مانی کو سیٹ پر جب بیٹے کی یاد آتی ہے تو کیا کرتیں ہیں ؟

Leave a reply