فہد مصطفیٰ نے اپنی نئی آنے والی فلم میں کرادر کی پہلی جھلک مداحوں کے ساتھ شئیر کر دی

پاکستان شوبز انڈسٹری کے باصلاحیت اداکار و میزبان فہد مصطفیٰ نے اپنی آنے والی فلم میں نبھائے جانے والے کردار کی پہلی جھلک کا پوسٹر سوشل میڈیا پر مداحوں کے ساتھ شئیر کر دیا۔

باغی ٹی وی : نجی ٹی وی چینل کے مقبول ترین شو جیتو پاکستان سے مقبولیت حاصل کرنے والے اداکار و میزبان فہد مصطفیٰ نے سماجی رابطے کی ویب سائٹ انسٹا گرام پر اپنی نئی آنے والی فلم قائداعظم میں نبھائے جانے والے کردار کی پہلی جھلک مداحوں کے ساتھ شئیر کی ہے-
https://www.instagram.com/p/CGPdlPNJT2d/
اداکار و میزبان نے اپنے انسٹاگرام اکاؤںٹ پر پولیس یونیفارم پہنے تصویر شیئر کی اور شائقین کو اپنے کردار سے متعلق بتایا-

فہد مصطفیٰ نے اپنی تصویر شئیر کرتے ہوئے کیپشن میں لکھا کہ فلم قائداعظم میں میرے کردار کی پہلی جھلک ساتھ ہی انہوں نے مداحوں کو آگاہ کیا کہ فلم کا آفیشل ٹیزر جلد سامنے آنے والا ہے۔

اداکار فہد مصطفیٰ کی اس پوسٹ پر مداح رہ نہ پائےاور تعریفوں کے انبار لگ گئے ساتھ ہی کئی مداھوں نے پوچھا کہ فلم ریلیز کب ہو گی نہ صرف مداھوں بلکہ ساتھی فنکاروں نے بھی رد عمل دیتے ہوئے تعریفیں کیں-

اداکارہ ماہرہ‌خان نے رد عمل دیتے ہوئے کمنٹ میں لکھا کہ تالیاں سیٹیاں اور مختلف ایموجی بھی بنائے-

اداکارہ ثناء جاوید نے فہد مصطفیٰ کو ہیرو کہتے ہوئے نیک تمناؤں کا اظہار کیا-

اداکار اعجاز اسلم سہیل علی اور قومی کرکٹر سرفراز احمد نے بھی رد عمل دیتے ہوئے تعریف کی-

اداکار ہمایوں سعید نے لکھا کہ ماشاءاللہ اچھے لگ رہے ہو جبکہ اداکارہ اشنا شاہ نے بھی اداکار کی تعریف کی-

یاد رہے کہ فہد مصطفیٰ کے ساتھ فلم ’قائداعظم زندہ باد‘ میں مرکزی کردار باصلاحیات اور ورسٹائل اداکارہ ماہرہ خان نبھائیں گی۔