پاکستانی کرکٹر فہیم اشرف کا انگلینڈ میں ایسا اقدام کہ ہوا پوری دنیا میں پاکستانیوں کا سر فخر سے بلند، اہم خبر

پاکستانی کرکٹ ٹیم کے کھلاڑی فہیم اشرف نے انگلینڈ میں ایسا کام کیا ہے کہ جس سے ملک اور بیرون ممالک میں موجود پاکستانیوں کے سر فخر سے بلند ہو گئے ہیں،

باغی ٹی وی کی رپورٹ کے مطابق فہیم اشرف انگلینڈ میں ہونے والے ٹی 20 بلاسٹ ٹورنامنٹ کھیل رہے ہیں، اس دوران انہیں جو شرٹ‌دی گئی اس پر شراب کا لوگ بنا ہوا تھا جس پر انہوں‌ نے انتظامیہ سے بات کی کہ وہ مسلمان ہیں اور شراب کے لوگو والی شرٹ‌ نہیں پہن سکتے جس پر انتظامیہ نے ان کی بات تسلیم کر لی اور ان کے مذہبی جذبات کی قدر کرتے ہوئے جرسی سے شراب کا لوگو ہٹا دیا.

پاکستانی کھلاڑی فہیم اشرف کے اس اقدام کی خبر سوشل میڈیا پر تیزی سے وائرل ہوئی ہے اور انگلینڈ و پاکستان سمیت دنیا بھر میں‌ موجود مسلمانوں نے ان کے اس دینی جذبہ اور جراتمندانہ اقدام اٹھانے پر انہیں خراج تحسین پیش کیا ہے، واضح رہے کہ پاکستانی کھلاڑی فہیم اشرف ٹی 20 بلاسٹ ٹورنامنٹ ‘‘میں نارتھمپٹن شائر کی ٹیم سے کھیل رہے ہیں، یہ بات بھی یاد رہے کہ اس سے قبل بھی مسلمان کرکٹرز عثمان خواجہ، ہاشم آملہ، معین علی، فواد احمد و دیگر مسلمان ہونے کی بنا پر شراب کے لوگو والی شرٹ پہننے سے انکار کر چکے ہیں،